1 Kɔlɛ̂ŋtɛ 8:3 - Kɑɑ Fí

³ Lɑ́ ḿbɔ́ yi ŋu lɑɑ ḿbɔ́ ŋ́kɔŋ Sɛ́, mbɔ ŋɡɑŋ ŋu ẅí Sɛ́ ńdɑ́Ꞌ mɔ́ ńjí wɛ́.

1 Kɔlɛ̂ŋtɛ 8:3 Кръстосани препратки

Mɑtʉ̈ɔ 7:23

Ŋ ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Mɔ ŋkɑɑ mɔ zɛɛ ńjí wʉ́ʉ pɔ́, pʉʉ pɑfʉꞋ mɛnu kɛpɔŋ, pʉʉ fú nɛjɔ́ŋ mɔ ńtsʉ́ʉtɛ.»

Jɑ̂ŋ 10:14

Mbyɛ́p mbí wɛ sʉ́Ꞌnɛ ɑ mɔ, mɔ sɛ́ ńjí mɛnjinjɔ mɑ́ɑ, pɔ́p pɛn ḿbɔ́ ńjí wɑ́ɑ.

Jɑ̂ŋ 21:17

Ḿbɛn ḿbíkŋɛ wɛ́ nǔu ḿbɑ́ɑtɛ yɛ́tɑ́t ŋɡɔ: «Símɔ̂ŋ mɔ́ɔ-Jɑ̂ŋ tɛ ɔ kɔŋ wɑ́ɑ?» Shʉ́ pyɛ̂ kɔkŋɛ, mbíꞋŋɡɔ Yɛ́su píkŋɛ wɛ́ tɛ ŋkɑ́ yɛ́tɑ́t ŋɡɔ tɛ ɑ kɔŋ wɛ́ ɔɔ. A tsɔ́Ꞌ ŋɡɔ: «Tsɑpʉɔ, ɔ jí ŋɡɔŋ nu tsʉʉ, ɔ jí ŋɡɔ ŋ kɔŋ wú.» Yɛ́su cú mbɔ̌ wɛ́ ŋɡɔ: «Tsiinɛ njinjɔ yɑ́ɑ.»

Pʉɔ-Lɔ́mɑ 11:2

Sɛ́ kɑ́ mɛꞋ pʉɔ pɛ́ pi ɑ kɑ zɑ́Ꞌnɛ njí ńtsɔ́Ꞌ wɔ́p pɔ́. Ɛ́ ɡʉ ŋ́ɡɛ pɑ́Ꞌ lɑ pʉʉ pɔ́ ńjí zʉꞋ-ŋwɑꞋnɛ-Sɛ́ yi ɛ́ zúꞋu Ɛlîi pɔ́ ɛ́sẅíi Sɛ́ nɛ́ yúu mi pɑíslɑyɛ̂l ɡɛnɛ,

1 Kɔlɛ̂ŋtɛ 13:12

Ɛ́ ŋkɔ̂ɔnɛ pɛkŋɛ sɛ́ ńjʉ́ɔ yúu ɛ́ tɑtɛ tɑtɛnɛ pɑꞋ ŋkɑ́ yi pɛkŋɛ jʉ́ɔ tsɛt ndɛn jʉ́ɔshʉ́ lɑ́. Ɛ́ ɡʉ ńdɑ́Ꞌ yɛcɔ́ ŋkɑ́ pɛkŋɛ ńtsuŋ ńjʉ́ɔ, ɛ́ pɔ́ mbi pɛkŋɛ. Nǔu ŋkɔ̂ɔnɛ ŋ kɑ́ jí yúu tsʉʉ pɔ́, lɑ́ ŋ ɡʉ ńdɑ́Ꞌ yɛcɔ́ ŋkɑ́ ńjí yúu nǔu ntɛ́ yi Sɛ́ sɛ́ ńjí wɑ́ɑ ŋkɔ̂ɔnɛ.

1 Kɔlɛ̂ŋtɛ 2:9

Pɛ́ kɑ zɛɛ ŋ́ŋwɑꞋnɛ tsɛt ŋwɑꞋnɛ-Sɛ́ ŋɡɔ: «Yúu mi ŋumɛsɔŋ kɑ́ pɔ́ ńjʉ́ɔ pɔ́ ŋ́kɛ́ ḿbɔɔ ńzúꞋ pɔ́, mbɔ ɑ kɑ́ pɔ́ ńzɛɛ ŋ́kwɑŋɛ pɔ́, Sɛ́ kɑ niitɛ́nɛ yîyɑ́ yúu ńzɑ́p. Nɛpɔ́ yi pʉɔ pi pɔ́p kɔŋnɛ wɛ́ ɡʉ ŋ́ɡɛ ńjʉ́ pii.»

Ŋɡɑlɑ̂t 4:9

Ɛ́ pɛn ŋ́ɡʉ nǔu ŋkɔ̂ɔnɛ pʉʉ sɛ́ ńjí Sɛ́ tɛ n dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ Sɛ́ sɛ́ ńjí wʉ́ʉ. Ɛ́ pɛn ŋ́ɡɛ pɑ́Ꞌɑ lɑ pʉʉ pɛn ḿbɛn nzʉʉ, tsɛt mîmɑ́ mɛyúu mi ɛ́ kɑ́ ɡẅɛɛ mɛtʉʉ pɔ́, ŋ́kɛ́ mbɔɔ yɛcɔ́ yúu ɡẅɛɛ? Pʉʉ kɔŋ nɛpɛn ḿbɛn nzʉʉ ḿbɛ́m pɛkwɑɑ mbɔ̌ pɔ́p kɛkʉ̈ɔ́?

2 Timɔtɛ́ɛ 2:19

Tɛ mbɑ pɔ́Ꞌɔ, cʉ́ndɑ́ yi Sɛ́ kɑ nɔŋnɛ pɛ́t ńtɛn tɛnnɛ. Pɛ́ kɑ ŋwɑꞋnɛ ndǔ ŋɡɔ: «Tsɑpʉɔ sɛ́ ńjí pʉɔ pɛ́, ḿbɛn ŋ́ŋwɑꞋnɛ ŋɡɔ: Ŋu lɑɑ ŋɡɔ ɑ ŋu-Tsɑpʉɔ, ɑ kʉɔ nu kɛpɔŋ.»

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.

1 Jɑ̂ŋ 4:19

Ɛ́ ɡʉ nǔu pɛk, pɛk kɔŋ ŋumɛsɔŋ, mbíꞋŋɡɔ Sɛ́ kɑ piitɛ ŋ́kɔŋ wɛ́k.

1 Jɑ̂ŋ 4:7

Pɛsúu pɑ́ɑ pɛ́ tʉʉndɛn, pɛkŋɛ ɡẅɛɛ ŋkɔŋɛ tsɛtsɛt pɛkŋɛ, mbíꞋŋɡɔ ŋkɔŋɛ ɛ́fú mbɔ̌ Sɛ́. Ŋu ẅí ɑ ɡẅɛɛnɛ ŋkɔŋɛ ɑ mɔ́ɔ-Sɛ́, ḿbɔ́ ńjí Sɛ́.

Mɛnu ɛ́ ńdɑ́Ꞌ ńcẅɛt 2:13

Mɔ sɛ́ ńjí zʉꞋ yi pʉʉ nɑ́ŋnɛ zúꞋu. KɔꞋ-nɛfɔɔ-Sɑ́ttɑ tʉ́ʉ zúꞋu lɑ́, ŋ kɛ́ ḿbɔ́ ńjí ŋɡɔ pʉʉ tsuŋ ńcʉŋɛ pɔ nǔu mɔ. Pʉʉ ŋkɑɑ mɔ́ nɑ́ nɛzɑ́p tʉ́m nǔu mɔ pɔ́, tɛ mbɑ nǔu mɛlɛ́Ꞌ mi pɛ́ kɑ jẅínɛ Aŋntipɑs lɑ́Ꞌ pʉʉ, nǔu zʉꞋ yi Sɑ́ttɑ nɑ́ŋnɛ zúꞋu. Aŋntipɑs kɑ pɔ́ ŋu ńcú yɛ́ pɔ ndɑꞋ nu yi ɑ jínɛ nǔu mɔ.

Mɛnu ɛ́ ńdɑ́Ꞌ ńcẅɛt 2:19

Mɔ sɛ́ ńjí mɛfɑꞋ mʉ́ʉ, ḿbɔ́ ńjí pɑ́Ꞌ pʉʉ ɡẅɛɛnɛ ŋkɔŋɛ tsɛtsɛt pʉʉ pɔ́Ꞌɔ, ḿbɔ́ ńjí pɑ́Ꞌ pʉʉ zɑ́pnɛ tʉ́m nǔu mɔ pɔ́Ꞌɔ, ḿbɔ́ ńjí pɑ́Ꞌ pʉʉ kíɛnɛ ziꞋnɛ, ḿbɔ́ ńjí pɑ́Ꞌ pʉʉ sɑ́Ꞌnɛ tʉʉ pɔ́Ꞌɔ, ḿbɔ́ ńjí ŋɡɔ mɛfɑꞋ mi pʉʉ ŋkɔ̂ɔnɛ ḿbɔ́ ɛ́fɑꞋ zɑ́ɑ ńtsɑ mɛ́ ŋkɑ́mbi.

Mɛnu ɛ́ ńdɑ́Ꞌ ńcẅɛt 2:9

Mɔ sɛ́ ńjí ŋɡʉ̈ɔ́Ꞌ yʉʉ, ḿbɔ́ ńjí ŋɡɔ pʉʉ pɔ́ pɔ pɛpúŋ, lɑ́ ŋ́kɛ́ ḿbɔ́ nǔu nɛjí Sɛ́ ḿbɔ́ ɡɑŋyúu. Mɔ, m bɛn ḿbɔ́ ńjí ŋɡɔ pʉɔ pí pɔ́p cúnɛ ŋɡɔ pɔ́p pɑyúdɑ, lɑ́ ŋ́kɛ́ ńdɔk pɔ ntsu ńcú, pɔ́p sɛ́ ŋ́kẅíi lík yʉ́ʉ kɛpɔŋ. Pɔ́p pɔ́ pɔ pʉɔ-cúꞋlɛ-Sɑ́ttɑ.