1 Kɔlɛ̂ŋtɛ 4:2 - Kɑɑ Fí

² Yúu mi pɛ́ sɛ́ ńzẅíꞋlɛ mbɔ̌ pʉɔ pi pɔ́p ɡẅɛɛnɛ nu nǔu fɑꞋ, ɛ́ pɔ́ pɔ ŋɡɔ pɔ́p jí pɔ ndɑꞋ yúu mi pɛ́ píkŋɛ́nɛ ŋɡɔ pɔ́p ɡɛ.

1 Kɔlɛ̂ŋtɛ 4:2 Кръстосани препратки

Mɑtʉ̈ɔ 25:21

Tɑ́t wɛ cú mbɔ̌ wɛ́ ŋɡɔ: «Ɛ́ pɔŋ, ɔ ŋɡɑŋfɑꞋ sʉ́Ꞌnɛ, ɔ kɑ ɡɛ yúu mi ŋ kɑ pɔ́ ńzẅíꞋlɛ mbɔ̌ ɡu, pɑ́Ꞌ ɔ kɑ pɑ́ɑnɛ mɔ́ɔ mɔ́yúu sʉ́Ꞌnɛ lɑ́, ŋ ɡʉ ńníꞋ yúu mbɔ̌ ɡu tɛꞋ. Tɔ́ pûu tsɑ́ɑtɛ.»

Mɑtʉ̈ɔ 25:23

Tɑ́t wɛ cú mbɔ̌ wɛ́ ŋɡɔ: «Ɛ́ pɔŋ, ɔ ŋɡɑŋfɑꞋ sʉ́Ꞌnɛ, ɔ kɑ ɡɛ yúu mi ŋ kɑ pɔ́ ńzẅíꞋlɛ mbɔ̌ ɡu, pɑ́Ꞌ ɔ kɑ pɑ́ɑnɛ mɔ́ɔ mɔ́yúu sʉ́Ꞌnɛ lɑ́, ŋ ɡʉ ńníꞋ yúu mbɔ̌ ɡu tɛꞋ. Tɔ́ pûu tsɑ́ɑtɛ.»

Lúkɑ́shi 12:42

Yɛ́su tsɔ́Ꞌ mbɔ̌ wɛ́ ŋɡɔ: «ŊɡɑŋfɑꞋ wɛ nɛ́nẅín, ẅi ɑ ɡẅɛɛnɛ jínu, ɑ pɛꞋnɛ ḿbɔ́ wɛ́t? ŊɡɑŋfɑꞋ ẅi tɑ̌ɑfɑꞋ ŋ́ɡɛ ŋ́ɡɔ́ ŋ́ɡʉ, ńcú mbɔ̌ wɛ́ ŋɡɔ: FɑꞋ yi n nyɛtnɛ mbɔ̌ ɡu pʉ́ɔ lɑɑ, tsʉ́Ꞌ ŋ́ɡɑ́ yúujʉ́ mbɔ̌ pɛcɔ́ ɡɑŋfɑꞋ nǔu ŋkɑ́ yi ɛ́ sɛ́ ḿbíkŋɛ?»

1 Kɔlɛ̂ŋtɛ 4:1

Pɔ́Ꞌɔ lɑ́, pʉʉ líŋɛ wɛ́k pɑ́Ꞌ pɑfɑꞋ fɑꞋ-Kɛlístɔ mbɑ pɑ́Ꞌ pʉɔ pi pɔ́p ɡẅɛɛnɛ nu nǔu nɛkyɛ́Ꞌtɛ nu-Sɛ́ yi ɛ́ kɑ pɔ́ yɛ lʉɔmɛ́nɛ ɛ́sẅíi pʉɔ.

1 Kɔlɛ̂ŋtɛ 4:17

Ŋ ɡɔ́ ńtúu Timɔtɛ̂ɛ mbɔ̌ pʉʉ mbíꞋ pɔ pɔ́Ꞌɔ. A nǔu nu-Kɛlístɔ ḿbɔ́ mɔ́ɔ wɑ́ɑ wi ŋ kɔŋnɛ wɛ́ tɛꞋ. A jí pɔ ndɑꞋ nu-Tsɑpʉɔ. A ŋ́ɡɛ ńtɔ́ ŋ́kẅíitɛ wʉ́ʉ nɛ́ yúu mi n zíꞋnɛ pʉɔ nǔu nɛnɛn nzʉʉ Kɛlístɔ pɔ kwɑꞋ pɑ́Ꞌ mɔ sɛ́ ńtɔ́ mbɑ ɡɔ́ lɑ́ tsɛt mɛcúꞋlɛ-pʉɔ-Kɛlístɔ ńzíꞋ lɑ́.

1 Kɔlɛ̂ŋtɛ 4:3

Ɛ́ kɛ́ ŋ́ɡʉ nǔu mɔ, mbɔ ɛ́ kɑ́ pɔ́ ŋ́ɡɑ́ɑnɛ wɑ́ɑ pɑ́Ꞌ mbɔ pʉʉ cú nu nǔu fɑꞋ yɑ́ɑ pɔ́. Kɛ pɔ pɛcɔ́ pʉɔ pɛndɛꞋ nɛnɑ́ŋ sɛ́ ńdíŋɛ nu ŋ́ɡɑ́ nǔu ɔɔ. KwɑꞋ mɔ, ḿbɔ́ m bɔɔ jí nɛsẅíi ŋu pɑ́Ꞌ fɑꞋ yɑ́ɑ pɔ́nɛ pɔ́.

1 Kɔlɛ̂ŋtɛ 7:25

Ɛ́ ɡʉ nǔu pʉɔ pi pɔ́p ŋkɑɑ zɔ́Ꞌ, mbɔ Tsɑpʉɔ kɑ kɛ́ ńcú nu yi mɔ ńcú mbɔ̌ pɔ́p. Lɑ́, mɔ ńcú pɑ́Ꞌ mɔ sɛ́ ŋ́kwɑŋɛ yɑ́ɑ nǔu nu yɔ́p, ńdɔk pɑ́Ꞌ mɔ ŋu ẅí Tsɑpʉɔ kɑ tsɑ́ɑnɛ mɛjʉ́ŋ mɑ́ɑ, ńdɔk wɑ́ɑ ŋ́ɡɛ ŋu ẅí m bɔ́ ńcú nu pɛ́ zúꞋ.

2 Kɔlɛ̂ŋtɛ 2:17

Lɑ́Ꞌ pɛk kɑ pɔ́ pɑ́Ꞌ pɛcɔ́ pʉɔ tɛ ńzɑ́ɑ pi pɔ́p lɔknɛ sẅiŋɛ-sɛ́ ŋ́ɡɛ yɔ́p yúu mɛntɑ́ɑ pɔ́, pɛk ɛ́sẅíi yɛ́k pɔ nɛ́ tʉ́m Lɛ́ɛnɛ́nɛ, ḿbɔ́ pɔ pʉɔ pi Sɛ́ kɑ túunɛ. Pɛk pɔ́ ɛ́sẅíi, Sɛ́ pɔ́ ńjʉ́ɔ wɛ́k pɛk pɛn ńdɑt mbʉʉ nǔu Kɛlístɔ.

2 Kɔlɛ̂ŋtɛ 4:2

Pɛk pɔɔ nǔu mɛntɛ́ lɔk ɛ́fɑꞋ mɛfɑꞋ mi ɛ́ mɛ́ ntsɛm, ḿbɛn ḿbɔ́ mɛ́ sʉ́ʉ pɔ́, wɛcɔ́ ŋkʉŋkʉ pɔɔ nǔu ku-nɛnɛn yɛ́k pɔ́, pɛk pɛn ŋ́kɛ́ ḿbɔɔ ḿbɔ́ ńdɔk mɛcɔ́ mɛnu ɛ́fɛntɛ sẅiŋɛ-Sɛ́ pɔ́, tɛ ńtsʉ́Ꞌ pɔ́Ꞌɔ, pɛk lɔk pɑ́Ꞌ pɛk mbi Sɛ́ ńdɛꞋlɛ pɔ́ nu nɛ́nẅín mbɔ̌ pʉɔmɛsɔŋ, tɛ ḿbɔ́ yi ɛ́ lɑɑ ḿbɔ́ ŋu pɔɔ lɑ́Ꞌ wɛ́k nǔu yɛcɔ́ nu pɔ́.

Kɔlɔsíyɛ̂ŋ 1:7

Pɛk sɛ́ ńjí ŋɡɔ Ɛpɑfɑlɑs kɑ zíꞋnɛ wʉ́ʉ nɛ yîyɑ́ nu. A mɔ́ɔmɑ́ wɛk wɛ tʉʉndɛn, pɛkŋɛ pɛpɔ́p fɑꞋnɛ. Pʉʉ jí ŋɡɔ, jʉ́ ẅí ɑ nɛjɔ́ŋ pʉʉ lɑ́, ɑ jí pɔ ndɑꞋ nu-Kɛlístɔ.

Kɔlɔsíyɛ̂ŋ 4:17

Pʉʉ cú mbɔ̌ Alɛshipɛ ŋɡɔ, kɔɔ ɑ lɔk fɑꞋ yi Tsɑpʉɔ kɑ ɡɑ́nɛ mbɔ̌ wɛ́ ŋ́ɡɛ mɛɡɑɑ, ŋɡɔ ɑ fɑꞋ sʉ́Ꞌnɛ.

Kɔlɔsíyɛ̂ŋ 4:7

Tʉʉndɛn mɔ́ɔmɑ́ wɛkŋɛ Tishik, ẅí pɛkŋɛ pɛpɔ́p tɛmtɛnɛ ɛ́fɑꞋ mbɔ̌ Tsɑpʉɔ ɡʉ ńtɔ́ ɛ́sẅíi wʉ́ʉ pɑ́Ꞌ mɔ zɑꞋnɛ ńnɑ́ŋ pɔ́Ꞌɔ. A ŋɡɑŋfɑꞋ tɛꞋ, ɑ jí pɔ nu-Tsɑpʉɔ.