1 Kɔlɛ̂ŋtɛ 1:4 - Kɑɑ Fí

⁴ Mɔ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ mbíꞋ wʉ́ʉ, nǔu mɛnu sʉ́Ꞌnɛ mi ɑ kɑ lɔknɛ ŋ́ɡɑ́ fuꞋ níinɛ yʉ́ʉ, ńdɛɛ nǔu pɑ́Ꞌ pʉʉ pɛ́ Yɛ́su Kɛlístɔ kɑ kɛ́mɔ́ ńtɛmtɛ lɑ́.

1 Kɔlɛ̂ŋtɛ 1:4 Кръстосани препратки

Mɑtʉ̈ɔ 19:11

Yɛ́su tsɔ́Ꞌ mbɔ̌ pɔ́p ŋɡɔ: «Pʉɔ tsʉʉ kɑ́ nɛkuꞋ nɛpɛ́m yɔ nu pɔ́. ŃdíꞋ ndɑꞋ pʉɔ pí Sɛ́ tɔ́ɔtɛ́nɛ wɔ́p.»

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

Jɑ̂ŋ 14:14

Pʉʉ lɑɑ ńdɔk lík yɑ́ɑ ńdɔ́ɔ yúu mbɔ̌ Sɛ́, mbɔ ŋ ɡʉ ŋ́ɡɛ yîyɑ́ yúu.

Jɑ̂ŋ 14:16

Ŋ ɡɔ́ɔ ŋ́kɛ́ ḿbúꞋ mbɔ́ mbɔ̌ Tɑ̌ɑ mɔ, ɑ ɡɑ́ wɛcɔ́ Ncẅɛ́ɛntɑ́ŋ mbɔ̌ pʉʉ, ẅi pʉʉ pɛ́ pɔ́p ɡʉnɛ ńtsʉ́Ꞌ ḿbɔ́ ŋkɑ́ tsʉʉ.

Jɑ̂ŋ 14:26

«Pʉʉ ɡʉ ńtsʉ́ꞌ nzʉʉ, Tɑ̌ɑ mɔ lɔk lík yɑ́ɑ, ńtúu Ncẅɛ́ɛntɑ́ŋ wʉʉ, ɛ́ pɔ́ zẅikŋɛ Lɛ́ɛnɛ́nɛ. Ɛ́ tɔ́ ńzíꞋ wʉ́ʉ nɛ́ yúu tsʉʉ, ŋ́ɡɛ pʉʉ kẅíitɛ kʉ̈ɔ́ lɑ́ yi ŋ kɑ pɔ́ ɛ́sẅíi wʉ́ʉ.»

Jɑ̂ŋ 15:26

«Ncẅɛ́ɛntɑ́ŋ ẅi ŋ ɡʉ ŋ́ɡɛ ɛ́fú nɛjɔ́ŋ Tɑ̌ɑ mɔ túu mbɔ̌ pʉʉ, ɛ́ zẅikŋɛ yí ɛ́ fúnɛ mbɔ̌ Tɑ̌ɑ mɔ, ɛ́ lɛꞋlɛ nu nɛ́nẅín nǔu Sɛ́. Jʉ́ ɡʉnɛ ŋ́ɡɛ ɛ́sẅíi nu yí ɑ jínɛ nǔu mɔ.»

ŊwɑꞋnɛ-Gɑŋntúu Yɛ́su Kɛlístɔ 11:23

A ɡʉ tɛ ŋ́kúu zúꞋu, ńjʉ́ɔ yɛ́ pɑ́Ꞌ Sɛ́ líŋɛ́nɛ pʉɔ pi pɔ́ zɑ́pnɛ tʉ́m nǔu wɛ́ pɔ́Ꞌɔ, nu pɔŋ wɛ́ tɛꞋ. A níꞋ mɛtʉʉ mɔ́p pɛ́tsʉʉ, ŋɡɔ pɔ́p kɛ ńjí pɔ ndɑꞋ Tsɑpʉɔ, ḿbɛn ńcʉŋɛ pɔ nǔu wɛ́.

ŊwɑꞋnɛ-Gɑŋntúu Yɛ́su Kɛlístɔ 21:20

Pɑcẅɛ́ɛ mbi tsɛt cúꞋlɛ-pʉɔ-Kɛlístɔ-Yɛ́lúsɑlɛm zúꞋ yɔ nu ɛ́ pɔŋ wɔ́p tɛꞋ. Pɔ́p kɑꞋ lík-Sɛ́ ŋ́ɡɑ́ tʉ́, ńcú mbɔ̌ Pɔ̂l ŋɡɔ: Mɔ́ɔmɑ́ wɛk, jʉ́ɔ yú. Mbɑ kwɑꞋ Pɑyúdɑ ntsɑ́Ꞌ tɛ ńzɑ́ɑ kɑ ńtsʉ́Ꞌ pʉɔ-Kɛlístɔ, ḿbɛn ḿbɔ́ kwɑꞋ pɑkúꞋlɛ nɛpʉ́ʉ-Mɔ̌sɛ̂ɛ kɛ́ kɑ́ɑ.

Pʉɔ-Lɔ́mɑ 1:8

M biitɛ ńdɛɛ nǔu lík-Yɛ́su Kɛlístɔ ŋ́ɡɑ́ pɑ́Ꞌlɑ́ mbɔ̌ Sɛ́ wɑɑ nǔu tú yʉ́ʉ pɛ́tsʉʉ, mbíꞋŋɡɔ pɛ́ ndǔmbí zʉꞋ tsʉʉ ḿbɔ́ ńcú ntɛ́ yi pʉʉ lɔknɛ ńzɑ́p tʉ́m nǔu Yɛ́su Kɛlístɔ.

Pʉɔ-Lɔ́mɑ 6:17

Pɛkŋɛ kɛ́ ŋ́ɡɑ́ pɑ́Ꞌlɑ́ mbɔ̌ Sɛ́, mbíꞋŋɡɔ pʉʉ kɑ pɔ́ yɛcɔ́ ŋkɑ́ ḿbɔ́ ŋkwɑɑ-nu kɛpɔŋ, pʉʉ ŋkɔ̂ɔnɛ, mbɔ pʉʉ lɔk tʉ́m yʉ́ʉ tsʉʉ, ḿbɛ́m yúu mi pɛ́ kɑ zíꞋnɛ wʉ́ʉ. Ɛ́ pɔ́ yi ɛ́ sɛ́ ḿbíkŋɛ ŋɡɔ pʉʉ piitɛ ńjí,

1 Kɔlɛ̂ŋtɛ 1:3

Tɑ́t wɛkŋɛ Sɛ́ mbɑ Tsɑpʉɔ Yɛ́su Kɛlístɔ pɔ́ mbɔ̌ nɛ́ pʉʉ ḿbɛn ḿbɔ́ ńníꞋ mɔ́fíitɛ tʉ́m pʉʉ.

1 Timɔtɛ́ɛ 1:14

Tsɑpʉɔ wɛkŋɛ Yɛ́su Kɛlístɔ, kɑ ɡɛ nu sʉ́Ꞌnɛ yɛ́ nǔu mɔ tɛ ɛ́ jɛ́Ꞌ. A kɑ ɡɛ n zɑ́p tʉ́m nǔu wɛ́, m bɛn ŋ́kɔŋ pɛcɔ́ pʉɔ. Ɛ́ fú nǔu pɑ́Ꞌ n dɑtnɛ mbʉʉ nǔu wɛ́.