پولُسئے کاگد په رومیان 9:30 - هُدائے پاکێن کتاب، بلۆچی زبانا

³⁰ نون چے بگوَشێن؟ هما دَرکئوم که په پاکی و پَلگاریا جُهدِش نکرت، پاکی و پَلگاری‌اِش رَسِت، هما پاکی و پَلگاری که چه باورا کئیت.

پولُسئے کاگد په رومیان 9:30 Кръстосани препратки

پولُسئے کاگد په رومیان 10:10

چێا که اِنسان په دل باورَ کنت و پاک و پَلگار زانگَ بیت، گۆن زبانا هم مَنّیت و اے پئیما رَکّیت.

پولُسئے کاگد په رومیان 10:20

گڑا، اِشئیا نَبی په دلێری و تمردی چه هُدائے کئولا گوَشیت: ”منا همایان در گێتک که منی شۆهازا نه‌اتنت، من وتا په همایان پَدّر کرت که منی جُست و پُرسا نه‌اتنت.“

پولُسئے کاگد په رومیان 10:6

بله آ پاکی و پَلگاری که چه باورا کئیت، اے ڈئولا گوَشیت: ”وتی دلا مگوَشێت ’کئے آسمانا رئوت؟‘“، بزان که مَسیها جَهلاد بیاریت،

پولُسئے کاگد په رومیان 3:5

بله اگن مئے بدکاری هُدائے پاکی و پَلگاریا پَدّرَ کنت، گڑا چے بگوَشێن؟ هُدا نااِنساپ اِنت که آییئے کَهر و گَزب مئے سرا کپیت؟ (نون من اِنسانی هبر کنگا آن.)

پولُسئے کاگد په رومیان 4:11

بله سُنّت بئیگئے نشانی آییا رَست تان په آییئے پاکی و پَلگاریا مُهر و نَکشے ببیت که سُنّت بئیگا پێسر، چه باورئے راها هست‌اَتی. مَکسد اِش اَت که اِبراهێم هما سجّهێن مردمانی پت زانگ ببیت که بے سُنّت بئیگا ایمانَ کارنت و اے ڈئولا آ هم پاک و پَلگار هسابَ بنت.

پولُسئے کاگد په رومیان 4:13

اِبراهێم و آییئے نَسل و پَدرێچا اے واده که آ جهانئے میراس‌دار بنت چه شَریَتئے راها نرَست، چه پاکی و پَلگاریئے راها رست که چه ایمانا کئیت.

پولُسئے کاگد په رومیان 4:22

پمێشکا چه هُدائے نێمگا”پاک و پَلگار هساب آرگ بوت“.

پولُسئے کاگد په رومیان 4:9

اے بَهتاوری تهنا په همایان اِنت که سُنّت کنگ بوتگ‌اَنت؟ یا په آیان اِنت هم که سُنّت نکرتگێن اَنت؟ ما گوَشێن که اِبراهێمئے باور، په آییا پاکی و پَلگاری هساب بوت.

پولُسئے کاگد په رومیان 5:1

نون که باورمندیئے سئوَبا پاک و پَلگار زانگ بوتگێن، چه مئے هُداوند ایسّا مَسیهئے راها مئیگ و هُدائے نیاما سُهل و وشّانی برجاه دارگ بوتگ.

پولُسئے کاگد په رومیان 9:14

گڑا چے بگوَشێن؟ هُدا نااِنساپ اِنت؟ هچبر!

پولُسئے کاگد په رومیان 9:31

بله اِسراییلیان که چه شَریَتئے راها په پاکی و پَلگاریا جُهد کرت، چه شَریَتئے راها په پاکی و پَلگاریا نرَستنت.

په گَلاتیان پولُسئے کاگد 2:16

بله انگت ما زانێن که مردم شَریَتئے رندگیریئے سئوَبا بێگناه و بێمئیار هسابَ نبیت، ایسّا مَسیهئے سرا باوَر کنگئے سئوَبا بێگناه و بێمئیارَ بیت. ما ایسّا مَسیهئے سرا باور کرتگ تانکه مَسیهئے سرا باوَرئے سئوَبا بێگناه و بێمئیار ببێن، شَریَتئے رندگیریئے سئوَبا نه، چێا که شَریَتئے رندگیریئے سئوَبا کَسّ بێگناه و بێمئیارَ نبیت.

په گَلاتیان پولُسئے کاگد 3:24

گڑا، شَریَت مئے سَرپرست بوتگ که مارا تان مَسیها سر بکنت، تانکه ما ایمانئے سئوَبا بێگناه و بێمئیار هِساب ببێن.

په گَلاتیان پولُسئے کاگد 3:8

پاکێن کتابا پێشگۆیی کرت که هُدا چۆن درکئومان ایمانئے سئوَبا بێگناه و بێمئیارَ کنت. هُدایا اِبراهێمئے کِرّا وشّێن مِستاگئے جار پێسرا جت، گوشتی: ”دنیائے سجّهێن کئوم تئیی سئوَبا برکتَ گِرنت.“

په گَلاتیان پولُسئے کاگد 5:5

بله ایمانئے سئوَبا، ما چه پاکێن روهئے برکتا هما پاکی و پلگاریئے ودارا اێن که مارا آییئے اُمێت هست.

په پیلیپیان پولُسئے کاگد 3:9

گۆن هماییا هئوار ببان. منا آ پهرێزکاری مبات که چه شَریَتئے راها رسیت، هما پاکی و پَلگاری منا برسات که چه مَسیهئے سرا باور کنگا رسیت، هما پَلگاری که چه هُدایا رسیت، چه ایمانئے راها.

په تیموتاووسا پولُسئے ائولی کاگد 6:11

بله تئو، او تیموتاووس، هُدایی مردمے ائے. چه اے چیزّان وتا دور بدار و پهرێزکاری، هُداتُرسی، ایمان، مِهر، سَبر و اۆپار و نرم‌تَبیئے رَندا بکپ.

پِتْرُسئے ائولی کاگد 4:3

شما بازێن وهدے هما کارانی سرا گوازێنتگ که هُداناباورێن مردمان دۆستَ بنت، چۆ که بدکاری، هئوا و هئوَسّ، هنۆش و بێساری، شراب‌واریئے مَهپل، ائیش و نۆش و اے گَندگێن بُت‌پَرستی.