پولُسئے کاگد په رومیان 9:18 - هُدائے پاکێن کتاب، بلۆچی زبانا

¹⁸ گڑا بزان، هُدا هرکَسئے سرا که بلۆٹیت رَهمَ کنت و هرکَسئے دلا که بلۆٹیت سِنگَ کنت.

پولُسئے کاگد په رومیان 9:18 Кръстосани препратки

دَرگوَز 10:1

هُداوندا گۆن موسّایا گوَشت: ”پِرئونئے کرّا برئو. من پِرئونئے دل و آییئے هِزمتکارانی دل پمێشکا سِنگ کرتگ‌اَنت که وتی اے نشانیان آیانی دێما زاهر بکنان و

دَرگوَز 10:20

بله هُداوندا پِرئونئے دل سِنگ کرت و آییا اِسراییلی رئوگا نه‌اِشتنت.

دَرگوَز 10:27

هُداوندا پِرئونئے دل سِنگ کرت و پِرئون آیانی رئوگا رازیگ نبوت.

دَرگوَز 11:10

موسّا و هارونا پِرئونئے دێما اے سجّهێن مۆجزه پێش داشتنت، بله هُداوندا پِرئونئے دل سِنگ کرت و پِرئونا اِسراییلی چه وتی مُلکا رئوگا نه‌اِشتنت.

دَرگوَز 14:17

من مِسریانی دلان سِنگَ کنان که اِسراییلیانی رندا بکپنت و پِرئون و آییئے سجّهێن پئوج و اَرّابه و اَرّابه‌سوار منی شان و شئوکتئے سئوَب‌ساز ببنت.

دَرگوَز 14:4

من، پِرئونئے دلا سِنگَ کنان و آ اِسراییلیانی رَندا کپیت. پِرئون و آییئے سجّهێن پئوج منی شان و شئوکتئے سئوَب‌سازَ بنت. گڑا مِسریَ زاننت که من هُداوند آن.“ اِسراییلیان همۆدا اُرد کرت که هُداوندا گوَشتگ‌اَت.

دَرگوَز 4:21

هُداوندا گۆن موسّایا گوَشت: ”وهدے پدا مِسرا رئوئے، بچار، هما سجّهێن مۆجِزه که من تئیی دستا داتگ‌اَنت، پِرئونئے دێما آ مۆجِزَهان بکن و پێش دار، بله من آییئے دلا سِنگَ کنان که کئوما رئوگا مئیلیت.

دَرگوَز 7:13

بله اَنچۆ که هُداوندا گوَشتگ‌اَت، پِرئونئے دل اَنگت سِنگ اَت و آیانی هبری گۆش نداشتنت.

دَرگوَز 7:3

بله من پِرئونئے دلا سِنگَ کنان. من مِسرئے مُلکا بازێن اجبّتێن نشانی و مۆجزهے پێشَ داران،

دَرگوَز 9:12

بله هُداوندا پِرئونئے دل سِنگ کرت و هما پئیما که هُداوندا گۆن موسّایا گوَشتگ‌اَت، پِرئونا آیانی هبر گۆش نداشتنت.

دَرگوَز 9:7

پِرئونا په پَکّا کنگا مردم راه دات و سهیگ بوت که چه اِسراییلیانی مال و دَلوَتان یکّے هم نمُرتگ. بله پِرئونئے دل اَنگت سِنگ اَت و مهلوکی رئوگا نه‌اِشت.

یوهَنّا 12:40

”آیانی چمّی کۆر و دلی سنگ کرتگ‌اَنت که گۆن چمّان مگندنت، گۆن دلان سَرپد مبنت و دێم په من پِر مترّنت. اگن منی کِرّا بیاتکێننت، من دْراه کرتگ‌اَتنت.“

پولُسئے کاگد په رومیان 11:25

او براتان! چۆ مبیت وتا چه وتی کَدّ و کِساسا مستر بزانێت. پمێشکا نلۆٹان چه اے رازا ناسرپد ببێت که اِسراییلئے یکّ بهرێئے سرا سَکدلی تان هما وهدا آتکگ که دَرکئوم سَرجمیا بیاینت گۆن.