پولُسئے کاگد په رومیان 7:14 - هُدائے پاکێن کتاب، بلۆچی زبانا

¹⁴ ما زانێن که شَریَت روهی چیزّے، بله من نَپسانی مردمے آن که گُلامێئے پئیما گناهئے کِرّا بها بوتگان.

پولُسئے کاگد په رومیان 7:14 Кръстосани препратки

پێدایش 37:27

بیاێت، ایسُّپا اِسماێلیانی کِرّا بها کنێن. آییئے جندا نکُشێن. مئے برات اِنت. مئے وتی هَڈّ و هۆن اِنت.“ براتان منِّت.

پێدایش 37:36

و آ نێمگا میدیانیان مِسرا ایسُّپ پوتیپارئے کِرّا بها کرت. پوتیپار، پِرئونئے اَپسرے اَت. نِگهپانانی مستر اَت.

پێدایش 40:15

من چه اِبرانیانی مُلکا دُزّگ و اِدا آرگ بوتگان و اِدا هم من چُشێن کارے نکرتگ که اے سیَه‌چاتا دئور دئیگ ببان.“

زَبور 119:25

من هاکان وپتگان، منا وتی لَبزئے هسابا زندگ بدار.

زَبور 51:6

نون دلجم آن که تئو چه منی دل و جبینا راستیئے لۆٹۆک ائے و چێر و پناهێن درونا منا هکمتَ بَکشئے.

دَرگوَز 22:3

بله اگن اے کار رۆچئے دَر آیگا رند بوت، گڑا هۆن، کُشۆکئے سرا اِنت. هرکَس که دُزّیَ کنت، باید اِنت مَلام پُرّ بکنت، بله اگن په مَلامئے پُرّ کنگا هچّی نێست، گڑا جندی بها کنگ ببیت و مَلام پُرّ کنگ ببنت.

مَتّا 16:23

ایسّایا چَکّ تَرّێنت و گۆن پِتْرُسا گوَشتی: ”او شئیتان! چه منی دێما دور بئے. تئو منی راها بندگا ائے، تئیی هئیال هُدایی هئیالے نه‌اِنت، انسانی هئیالے.“

مَتّا 18:25

بله آییا وام دات نکرتنت. پمێشکا هُدابُندا پرمان کرت که آ وت گۆن جَن و چُکّان و دگه هرچے که آییا هست‌اَت، بها کنگ و وام گِرگ ببنت.

مَتّا 5:22

بله من شمارا گوَشان، هرکَس وتی براتئے سرا زَهرَ گیپت، آ هم هَکدیوانئے دێما مئیاریگ کنگَ بیت. کَسے که وتی براتا زاه و زَکَت بکنت، هَکدیوانا مئیاریگ کنگَ بیت، کَسے که وتی براتا ’هۆڑ‘ و ’اَهمکَ‘ گوَشیت، دۆزهئے آسئے سِزاوارَ بیت.

مَتّا 5:28

بله من شمارا گوَشان، اگن کَسے په بدچمّی و دِلدُزّی جنێنێا بچاریت، بزان وتی دلا، گۆن هما جنێنا زِنایی کرت.

لوکا 5:8

وهدے شَمون پِتْرُسا اے کار دیست، چه تُرسا ایسّائے پادان کپت و گوَشتی: ”او هُداوند! منا یله دئے و برئو، چێا که من گُنهکارے آن.“

لوکا 7:6

ایسّا آیانی همراه بوت و شت. وهدے لۆگئے نزّیکّا رَستنت، پئوجی اَپسرا وتی لهتێن دۆست کاسِد کرت و په ایسّایا، کُلئوی رئوان دات: ”او هُداوند! وتا زهمتوار مکن. منَ نکرزان که تئو منی لۆگا بیائے و

پولُسئے کاگد په رومیان 3:9

گڑا چے بگوَشێن؟ مئے، یَهودیانی هال چه آ دگران گِهتر اِنت؟ نه، هچّ پئیما گهتر نه‌اِنت! چێا که ما اے هبر پَدّر و پکّا کرتگ که سجّهێن مردم، یَهودی و یونانی، گناهئے بندیگ اَنت.

پولُسئے کاگد په رومیان 6:6

ما زانێن که مئے کوَهنێن هستی و زِند، گۆن آییا سَلیبئے سرا دْرنجگ بوت تانکه هما جِسم و جان بێران ببیت که گناهئے گُلام اِنت و ما چه اِد و رند گناهئے گُلامیا مکنێن.

پولُسئے کاگد په رومیان 7:18

منَ زانان که منا، بزان منی گُنهکارێن سَرِشتا هچّ نێکیے مان نێست. منا نێکێن کار کنگئے واهگ هست، بله کرتَ نکنان.

په گَلاتیان پولُسئے کاگد 4:3

گڑا ما هم، تانکه نابالِگ اَتێن، اے دُنیائے راه و رهبندانی گُلام اَتێن.