پولُسئے کاگد په رومیان 5:12 - هُدائے پاکێن کتاب، بلۆچی زبانا

¹² گڑا هما پئیما که گناه یکّ کَسێئے سئوَبا جهانا آتک و مَرک چه گناها، همے ڈئولا مَرک هم سجّهێن مردمانی نیاما شِنگ و تالان بوت، چێا که سجّهێنان گناه کرت.

پولُسئے کاگد په رومیان 5:12 Кръстосани препратки

پێدایش 2:17

بله نێکی و بدیئے زانَگئے درچکئے بَرا مئوَر. هما رۆچا که تئو وارت، اَلّما مِرئے.

پێدایش 3:19

گۆن هێدێن پێشانیگے وتی نگنا ورئے تان هما وهدا که هاکا پِرَ ترّئے، چێا که چه همِشیا زورگ بوتگئے. تئو هاکے ائے و پدا هاکا پِرَ ترّئے.“

پێدایش 3:6

نون جنێنا چارِت که آ درچکئے بر گوَشئے په ورگا وشّ و گِندگا زێبا اِنت و په زانتکار بئیگا دِلواه. گڑا آییا چه درچکئے بَران زُرت و وارت و وتی مردارا هم داتی، که همراه اَتی. مردا هم وارت.

زَبور 51:5

په راستی من مئیاربار پێدا بوتگان و چه هما وهدا که ماتئے لاپا کپتان، گُنهکار.

پولُسئے کاگد په رومیان 3:23

پرچا که سجّهێنان گناه کرتگ و چه هُدائے شان و شئوکتا دور اَنت،

پولُسئے کاگد په رومیان 5:18

گڑا هما پئیما که چه یکّ اِنسانێئے گناها سجّهێن مردم مئیاریگ کنگ بوتنت، چه یکّ اِنسانێئے نێکێن کارا سجّهێن مردم پاک و پَلگار و زِندئے واهندَ بنت.

پولُسئے کاگد په رومیان 5:19

هما پئیما که چه یکّێئے ناپرمانیا بازێن مردمے گنهکار کنگ بوت، چه یکّێئے پَرمانبرداریا بازێنے پاک و پَلگار هم کنگَ بیت.

پولُسئے کاگد په رومیان 5:21

تانکه، هما پئیما که گناها چه مَرکئے راها بادشاهی کرت، رهمت هم چه پاکی و پَلگاریا بادشاهی بکنت و چه مئے هُداوند ایسّا مَسیهئے راها مارا دێم په نمیرانێن زِندا ببارت.

پولُسئے کاگد په رومیان 6:21

گڑا شما چه آ چیزّان چۆنێن سَمرے برت که نون چه آیان شرمندگ اێت، آ چیزّانی آسر مَرک اِنت.

پولُسئے کاگد په رومیان 6:23

پرچا که گناهئے مُزّ مَرک اِنت بله هُدائے بَکشش نمیرانێن زِند اِنت که چه مئے هُداوند ایسّا مَسیهئے راها رسیت.

آکوب 1:15

سِلّێن واهگ که لاپ‌پُرَّ بنت، گڑا گناه پێدا بیت، گناه که رُدیت و مزنَ بیت، مرکَ کاریت.

آکوب 3:2

ما سجّهێن باز رَدَ جنێن و ٹَگلَ ورێن. اگن کَسے چه وتی هبران ٹَگل مئوارت، تمان و کاملێن انسانے و وتی سَرجمێن جسم و جانئے مَهارا داشتَ کنت.