پولُسئے کاگد په رومیان 4:17 - هُدائے پاکێن کتاب، بلۆچی زبانا

¹⁷ اَنچُش که نِبیسگ بوتگ: ”من ترا بازێن کئومانی پت کرتگ.“ گڑا، هُدائے چمّان آ مئے پت اِنت، هما هُدا که اِبراهێما آییئے سرا باور کرت، آ که مُردگان زِندگَ کنت و نێستیا گْوانکَ جنت و هستَ کنت.

پولُسئے کاگد په رومیان 4:17 Кръстосани препратки

پێدایش 17:16

من برکتیَ دئیان و ترا چه آییا مردێن‌چُکّے بیت. من سارَها برکتَ دئیان و آ کئومانی ماتَ بیت، کئومانی بادشاه چه آییا پێدا بنت.“

پێدایش 17:20

اِسماێلئے بارئوا هم من تئیی هبر گۆش داشت: من آییا اَلّم برکتَ دئیان، آییا پُرسَمرَ کنان و آییئے نَسل و پَدرێچا سکّ بازَ کنان. آ دوازده شَهزادگئے پتَ بیت و چه آییا مزنێن کئومے پێدا کنان.

پێدایش 28:3

پُرواکێن هُدا ترا بَرکت بدئیات و پُرسَمَر کنات. ترا گێشا گێش کنات و تئو کئومانی رُمبے باتئے.

مَتّا 3:9

چه وتی دلا اے هبرا در بکنێت که ’ما اِبراهێمئے نَسل و اۆبادگ اێن.‘ من شمارا گوَشان که هُدا چه اے سِنگ و ڈۆکان هم، په اِبراهێما چُکّ و اۆبادگ پێدا کرتَ کنت.

یوهَنّا 5:21

هما پئیما که پت مُردگان زندگَ کنت و آیان زِندَ بَکشیت، چُکّ هم هرکَسا که بلۆٹیت زندگَ کنت.

یوهَنّا 5:25

باور کنێت، یکّ وهدے کئیت و اے وهد انّون بُنگێج بوتگ که مُردگ هُدائے چُکّئے تئوارا اِشکننت و هرکَس که بِشکنت پدا زندگَ بیت.

یوهَنّا 6:63

روه اِنت که زِندَ دنت، هَڈّ و گۆشتا پائِدگے نێست. اے هبر که من گۆن شما کرتنت، روه و زِند اَنت.

کاسِدانی کار 15:18

اے هبر چه دێریگێن زمانگان زانگ بوتگ.‘

پولُسئے کاگد په رومیان 3:29

هُدا اێوَکا یَهودیانی هُدا اِنت؟ دَرکئومانی هُدا نه‌اِنت؟ البت، آ دَرکئومانی هم هُدا اِنت،

پولُسئے کاگد په رومیان 4:18

وهدے هچّ اُمێتے نێست‌اَت، اِبراهێما گۆن اُمێتواری باور کرت که بازێن کئومێئے پِتَ بیت. اَنچُش که هُدایا گۆن اِبراهێما گوَشتگ‌اَت: ”تئیی پُشپَد و اۆبادگ اِستارانی کِساسا بازَ بنت.“

پولُسئے کاگد په رومیان 4:2

اگن اِبراهێم چه وتی کار و کِردا پاک و پَلگار زانگ بوتێن، آییا چیزّے هست‌اَت که آییئے سرا پَهر بکنت، بله هُدائے چمّان چُش نه‌اِنت.

پولُسئے کاگد په رومیان 8:11

اگن هماییئے روه شمئے دلا اِنت که ایسّا مَسیهی چه مَرکا رَند جاه جناێنت، گڑا آ که مَسیهی چه مُردگان جاه جناێنت، شمئے زئوال بئیۆکێن جِسم و جانا هم چه وتی هما روها زِندَ بَکشیت که شمئے دلا نِشتگ.

پولُسئے کاگد په رومیان 9:11

بله چه اِشیا پێسر که چُکّ پێدا ببنت و نێکی یا بدی بکننت، رِبِکّایا گوَشگ بوت که ”مسترێن کَسترێنئے هِزمتا کنت.“ اے ڈئولا بوت تان هُدائے اِراده چه گِچێنکاریا بَرجاه دارگ ببیت، بله چه کار و کِردئے راها نه، چه هماییئے راها که اِنسانا گْوانکَ جنت.

پولُسئے کاگد په رومیان 9:26

اَنچُش هم: ”هما جاگها که گۆن آیان گوَشگ بوت: ’شما منی کئوم نه‌اێت،‘ اۆدا آ، زِندگێن هُدائے چُکّ گوَشگَ بنت.“

په تیموتاووسا پولُسئے ائولی کاگد 6:13

هُدائے بارگاها، هما هُدا که هر چیزّا زندَ بَکشیت و ایسّا مَسیهئے بارگاها، هما مَسیه که پُنتیوس پیلاتوسئے دێما وتی شاهدیئے تها نێکێن اِکراری کرت، من ترا هُکمَ دئیان که

پِتْرُسئے ائولی کاگد 2:10

پێسرا شما کئومے نه‌اتێت بله انّون هُدائے کئوم اێت. پێسرا شمارا هُدائے رهمت نرَستگ‌اَت بله انّون آییئے رهمت شمارا گۆن اِنت.

پِتْرُسئے دومی کاگد 3:8

بله، او دُردانگان! چه اے هبرا بێهئیال مبێت که په هُداوندا یکّ رۆچے، هزار سالئے پئیما اِنت و هزار سال، یکّ رۆچێئے پئیما.