پولُسئے کاگد په رومیان 2:17 - هُدائے پاکێن کتاب، بلۆچی زبانا

¹⁷ بله اگن تئو وتا یَهودیے زانئے و شَریَتئے سرا تئوکلَ کنئے، اگن گۆن هُدایا وتی نزّیکّیئے سرا پَهرَ بندئے،

پولُسئے کاگد په رومیان 2:17 Кръстосани препратки

زَبور 135:4

چێا که هُداوندا آکوب په وت گچێن کرتگ، اِسراییل، که په آییا گنجے ببیت.

مَتّا 3:9

چه وتی دلا اے هبرا در بکنێت که ’ما اِبراهێمئے نَسل و اۆبادگ اێن.‘ من شمارا گوَشان که هُدا چه اے سِنگ و ڈۆکان هم، په اِبراهێما چُکّ و اۆبادگ پێدا کرتَ کنت.

لوکا 10:28

ایسّایا گوَشت: ”تئو شَرّ گوَشتگ، همے ڈئولا بکن، ترا اَبدمانێن زِندَ رَسیت.“

یوهَنّا 5:39

شما پاکێن کتابان پَٹّ و پۆلَ کنێت و وانێت، چێا که شمئے هئیالا اِشانی تها شمارا اَبدمانێن زِندَ رسیت. همے پاکێن کتاب منی بارئوا گواهیَ دئینت،

یوهَنّا 5:45

گُمان مکنێت که من پتئے دێما شمارا مئیاریگَ کنان. اے موسّا اِنت که شمارا مئیاریگَ کنت، هما موسّا که شما آییئے سرا اُمێت بستگ.

یوهَنّا 7:19

موسّایا شمارا شَریَت نداتگ؟ اَنگت چه شما هچکَس شَریَتا دارگا نه‌اِنت. پرچا منا کُشگَ لۆٹێت؟“

یوهَنّا 8:33

آیان گوَشت: ”ما اِبراهێمئے ائولاد اێن و هچبر کَسێئے گُلام نبوتگێن. گڑا تئو چۆنَ گوَشئے که ’شما آزاتَ بێت‘؟“

یوهَنّا 8:41

شما وتی پتئے کارانَ کنێت.“ آیان گوَشت: ”ما کیهُرّ نه‌اێن، مارا پتے هست، آ هم هُدائے جند اِنت.“

پولُسئے کاگد په رومیان 2:23

تئو که شَریَتئے سرا پَهرَ بندئے، بارێن گۆن شَریَتئے پرۆشگا هُدائے بےاِزّتیا نکنئے؟

پولُسئے کاگد په رومیان 3:27

گڑا چِه چیزّئے سرا پَهر ببندێن؟ په پَهرا جاگهے نێست. کجام راه و رَهبندئے سرا اِشیا زانێن؟ نێکێن کار و کردئے رَهبندئے سرا؟ نه، باور و ایمانئے رَهبندئے سرا.

پولُسئے کاگد په رومیان 9:32

پرچا چُش بوت؟ پمێشکا که آیانی جُهد، باورئے سرا نه‌اَت، کار و کِردئے سرا اَت. آیان مان گیشّێنۆکێن سِنگئے سرا ٹَگل وارت.

په گَلاتیان پولُسئے کاگد 2:15

ما پێدائِشی یَهودی اێن و چه ”گُنهکارێن درکئومان“ نه‌اێن،

اِلهام 2:9

من تئیی آزار و نێزگاریا سرپد آن بله تئو هستۆمند ائے. آ کُپرانَ زانان که هما مردمان کرتگ‌اَنت که وتا یَهودیَ گوَشنت بله یَهودی نه‌اَنت. آ شئیتانئے کَنیسَهے اَنت.

اِلهام 3:1

په ساردیسئے کِلیسائے پرێشتگا نبشته کن: اے هماییئے هبر اَنت که هپتێن اِستار و هُدائے هپتێن روهی گۆن اَنت. آ چُشَ گوَشیت: من تئیی کارانَ زانان. تئو نامے در آورتگ که زندگ ائے، بله اَسلا مُرتگئے.

اِلهام 3:9

بچار، من چه شئیتانئے کَنیسَهئے مردمان لهتێن ترا دئیان، چه همایان که وتا یَهودیَ گوَشنت بله یَهودی نه‌اَنت و درۆگَ بندنت. بچار، من آیانَ پرمایان، آ کاینت، تئیی پادانی دێما کپنت و سرپدَ بنت که من ترا دۆست داشتگ.