پولُسئے کاگد په رومیان 15:1 - هُدائے پاکێن کتاب، بلۆچی زبانا

¹ ما که زۆرمند اێن، باید اِنت نِزۆرێن باورمندانی کَمزۆریان وتی بَڈّا بزورێن و بَسّ وتی جندئے وشّیانی رندا مبێن.

پولُسئے کاگد په رومیان 15:1 Кръстосани препратки

پولُسئے کاگد په رومیان 14:1

نِزۆرێن باورمندا وشّاتک کنێت و بزورێت و نگیشّتگێن هبرانی سرا گۆن آییا جێڑه مکنێت.

پولُسئے کاگد په رومیان 14:2

یکّێئے باور آییا هر چیزّئے ورگا کِلّیت، بله دومی که باوری نِزۆر اِنت تهنا سبزیَ وارت.

پولُسئے کاگد په رومیان 4:20

هُدائے وادهئے سرا، اِبراهێم ناباور نبوت و شَکّی نکرت، آ وتی باورئے سرا مُهر اۆشتات و هُدایی شان و شئوکت دات.

په پیلیپیان پولُسئے کاگد 2:4

هرکَس وتی نَپ و سوتّانی بدلا، دگرانی نَپ و سوتّانی هئیالا بداریت.

په تِسالونیکیان پولُسئے ائولی کاگد 5:14

براتان! ما چه شما دَزبندیَ کنێن، هما که تَمبَل و جاندُزّ اَنت، آیان سرپد بکنێت، هما که دلپرۆش اَنت، آیان دلبڈّی بدئیێت، هما که نزۆر اَنت، آیان کُمکّ بکنێت و سجّهێنانی برداشتا بکنێت.

په تیموتاووسا پولُسئے دومی کاگد 2:1

او منی چُکّ! گڑا تئو هما رهمتئے برکتا که مارا چه ایسّا مَسیهئے نێمگا رسیت، وتا مُهر و مُهکم بدار.

یوهَنّائے ائولی کاگد 2:14

او چُکّان! په شما نبیسگا آن، چێا که شما پتا زانێت. او واجهێن پتان! په شما نبیسگا آن، چێا که شما هماییا زانێت که چه اَزلا اِنت. او وَرنایان! په شما نبیسگا آن، چێا که توانا و تَمَرْد اێت و هُدائے هبر شمئے دلا اِنت و شما شئیتان پرۆش داتگ.