پولُسئے کاگد په رومیان 1:9 - هُدائے پاکێن کتاب، بلۆچی زبانا

⁹ هما هُدا که من په جان و دل، گۆن آییئے چُکّئے وشّێن مِستاگئے سر کنگا آییئے هِزمتا کنان، وت شاهد اِنت که وتی دْوایانی تها مُدام شمارا یاتَ کنان.

پولُسئے کاگد په رومیان 1:9 Кръстосани препратки

مَرکاس 1:1

ایسّا مَسیه، هُدائے چُکّئے وشّێن مِستاگئے بُنگێج و شروهات.

لوکا 18:1

ایسّایا په مریدان مِسالے آورت تان آیان سَرکِچ بدنت و پێش بداریت که هروهد دْوا بکننت و هچبر دلپرۆش و نااُمێت مبنت.

کاسِدانی کار 12:5

پِتْرُس اَنگت جێلا بندیگ اَت و کِلیسا گۆن بازێن دلسِتکیے په آییا هُدائے بارگاها دْوا کنگا اَت.

کاسِدانی کار 19:21

چه اے کارانی سَرجمیا رَند، پولُسا وتی دلا شئور کرت مَکْدونیَه و اَکایَهئے دَمگان گوَزان، اورشَلیما برئوت. گوَشتی: ”چه اۆدئے رئوگا رَند، منا اَلّم، رومئے شهر هم گِندگی اِنت.“

کاسِدانی کار 24:14

بله تئیی دێما اے هبرا مَنّان که ’اے راهئے‘ رَندگیر و مَنّۆک آن که مردم آییا ناراهێن دینی ٹۆلیے گوَشنت. وتی پت و پیرُکانی هُدایا پرستشَ کنان و هرچے که تئورات و نبیانی کتابان نبشته اِنت، من آیانی باوَرمند آن.

کاسِدانی کار 27:23

اے هبرا، من پمێشکا زانان که دۆشی چه هما هُدائے نێمگا که من آییئیگ آن و آییئے هِزمتکار آن، پرێشتگے آتک، منی کَشا اۆشتات و

کاسِدانی کار 3:26

هُدایا وتی هِزمتکار گچێن کرت و پێسرا شمئے گوَرا رئوان دات تان شمارا برکت بدنت و هر یکّێا چه آییئے هراب و گَندگێن راها پِر بترّێنیت.“

پولُسئے کاگد په رومیان 9:1

من چه مَسیهئے اَرواه و جَبینا راستَ گوَشان و درۆگَ نبندان، منی دل و درون چه پاکێن روها اے هبرئے شاهدیا دنت که

په گَلاتیان پولُسئے کاگد 1:20

بچارێت، هرچے که په شما نبشته کنگا آن، هُدا شاهد اِنت که درۆگ نه‌اَنت.

په پیلیپیان پولُسئے کاگد 1:3

من هر وهدا که شمارا یاتَ کنان، وتی هُدائے شُگرا گِران.

په پیلیپیان پولُسئے کاگد 1:4

وتی هر دْوائے تها، مُدام گۆن شادمانیا په شما سجّهێنان دْوا کنان،

په پیلیپیان پولُسئے کاگد 2:22

بله شما وتَ زانێت که تیموتاووسا لاهکی پێش داشتگ. آ په وشّێن مِستاگئے شِنگ کنگا گۆن من اَنچُش همکۆپگ بوتگ که چُکّے گۆن پتا.

په پیلیپیان پولُسئے کاگد 3:3

چێا که سُنّت بوتگێن ما اێن. اے ما اێن که هُدایا چه آییئے پاکێن روهئے برکتا پرستشَ کنێن. په ما پَهر و شانے که گۆن ایسّا مَسیها هئوار اێن و مارا چه وتی جِسما، بزان چه دنیایی چیزّان اُمێتے نێست،

په تِسالونیکیان پولُسئے ائولی کاگد 1:2

ما هر وهدا وتی دْوایانی تها شمئے ناما گرێن و مُدام په شما سجّهێنان هُدائے شُگرا گرێن.

په تِسالونیکیان پولُسئے ائولی کاگد 3:10

ما شپ و رۆچ چه دلئے جهلانکیا دْوا کنێن که شمارا پدا بگِندێن و هر چیزّے که شمئے ایمانئے تها کَمّ اِنت، آییا سرجم بکنێن.

په تِسالونیکیان پولُسئے ائولی کاگد 5:17

هر وهدا دْوا بکنێت.

په تیموتاووسا پولُسئے ائولی کاگد 2:7

من په اے مکسدا گِچێن کنگ بوتگان که جار جنۆک و کاسِدے ببان و درکئومان ایمان و راستیئے تالیما بدئیان. من راست گوَشگا آن، درۆگ نبندگا آن.

په تیموتاووسا پولُسئے دومی کاگد 1:3

من شپ و رۆچ که وتی دْوایانی تها مُدام ترا یاتَ کنان، هُدائے شُگرا گِران، هما هُدا که من گۆن پاکێن زمیرێا آییئے پَرستِش و هزمتا کنان، اَنچۆ که منی پت و پیرُکان کُرتگ.

په پیلیمونا پولُسئے کاگد 1:4

من هر وهدا که وتی دْوایانی تها ترا یاتَ کنان، مُدام وتی هُدائے شُگرا گران،