پولُسئے کاگد په رومیان 1:10 - هُدائے پاکێن کتاب، بلۆچی زبانا

¹⁰ منی دَزبندی چه هُدایا اِش اِنت که گُڈسرا، گۆن هماییئے رزایا شمئے کرّا رسگا کامیاب ببان،

پولُسئے کاگد په رومیان 1:10 Кръстосани препратки

کاسِدانی کار 18:21

چه آیان رُکستی گپت و گوَشتی: ”اگن هُدائے رزا ببیت، دگه برے شمئے کِرّا کایان.“ گڑا بۆجیگێا نِشت و چه اِپێسُسا در آتک.

کاسِدانی کار 19:21

چه اے کارانی سَرجمیا رَند، پولُسا وتی دلا شئور کرت مَکْدونیَه و اَکایَهئے دَمگان گوَزان، اورشَلیما برئوت. گوَشتی: ”چه اۆدئے رئوگا رَند، منا اَلّم، رومئے شهر هم گِندگی اِنت.“

کاسِدانی کار 21:14

وهدے ما پولُس مَنّێنت نکرت، گڑا گوَشتێن: ”هرچے که هُداوندئے رَزا اِنت، هما ڈئولا ببیت“ و بێتئوار بوتێن.

پولُسئے کاگد په رومیان 15:29

منَ زانان که وهدے شمئے کِرّا بیایان، گۆن مَسیهئے سَرجمێن برکتانَ کایان.

په پیلیپیان پولُسئے کاگد 4:6

په هچّ چیزّا پرێشان مبێت، بَسّ هر هالَت و جاوَرا، گۆن دْوا و دَزبندی و شُگرگزاریا وتی اَرزا په هُدایا سَر کنێت.

په تِسالونیکیان پولُسئے ائولی کاگد 2:18

منِ پولُسا باز رندا جُهد کرت و ما لۆٹت که شمئے گوَرا بیاێن، بله شئیتانا مئے راه و در بند کرتنت.

په پیلیمونا پولُسئے کاگد 1:22

و دگه گپّے، په من جاگهئے بند و بستا هم بکن، چێا که منا اُمێت اِنت که تئیی دْوایانی برکتا آزاتَ بان و تئیی کرّا کایان.

آکوب 4:15

گڑا چُش بگوَشێت: ”اگن هُداوند بلۆٹیت، زندگَ مانێن و اے پئیم و آ پئیما کنێن.“