اِلهام 8:8 - هُدائے پاکێن کتاب، بلۆچی زبانا

⁸ دومی پرێشتگا وتی کَرنا جت، بلاهێن کۆهێئے ڈئولێن چیزّے که پَهک بُن اَت، دریائے تها دئور دئیگ بوت و دریائے سئےیکّ هۆن بوت.

اِلهام 8:8 Кръстосани препратки

مَرکاس 11:23

شمارا راستێنَ گوَشان، اگن کَسێا سِتک و باور ببیت و اے کۆها بگوَشیت: ’وتا چه اِدا چست کن و دریائے تها دئور بدئے‘ و وتی گوَشتگێن هبرئے سرا دلا شکّ مئیاریت و باور بکنت، آ وهدی په آییا اَنچُشَ بیت.

اِلهام 11:6

اِشان آسمانئے بند کنگئے اِهتیار گۆن اِنت تانکه اِشانی پئیگمبریئے رۆچان هچّ هئور مبیت و اِهتیارِش هست که آپا هۆنئے تها بدل بکننت و هر وهدا که بلۆٹنت، گۆن هر پئیمێن وباێا زمینا جتَ کننت.

اِلهام 12:4

اژدیائے لِٹّکا آسمانئے اِستارانی سئےیکّ رُپت و زمینا دئور دات. جنێن که چُکّا کپگی اَت، اژدیا، جنێنئے دێما اۆشتاتگ‌اَت تان اَنچۆ که آییئے چُکّ پێدا بیت، هما دمانا چُکّا بوارت.

اِلهام 8:7

ائولیگا وتی کَرنا جت، ترۆنگل و آس گۆن هۆنا هئوار زمینئے سرا اێر رێچگ بوت. زمینئے سئےیکّ آسا اێر برت، درچکانی سئےیکّ آسا اێر برت و سجّهێن سبزێن کاه آسا اێر برتنت.

اِلهام 9:15

نون چارێن پرێشتگ آزات کنگ بوتنت که په هما ساهت، رۆچ، ماه و سالا تئیار کنگ بوتگ‌اَتنت که بنی‌آدمانی سئےیکّا بکُشنت.

اِلهام 9:18

بنی‌آدمانی سئےیکّ، سئے اَزابا کُشت، بزان هما آس، دوتّ و گۆکُرتئے اَزابا که چه اسپانی دپا در آیگا اَت،