اِلهام 20:9 - هُدائے پاکێن کتاب، بلۆچی زبانا

⁹ اے سجّهێن کئوم دێم په زمینئے پْراهێن پَٹّا بُرزاد بوتنت و هُدائے پَلگارتگێن مردمانی اُرد و دۆستناکێن شهرِش چپّ و چاگرد کرت، بله آسے چه آسمانا جَهلاد آتک و اێری بُرتنت.

اِلهام 20:9 Кръстосани препратки

پێدایش 19:24

گڑا هُداوندا سُدوم و گُمورَهئے سرا آس و گۆکُرت گْوارێنت. اے آس و گۆکُرت چه هُداوندئے نێمگا، چه آسمانا رِتکنت.

زَبور 106:18

آیانی ٹۆلیا آسے مان کپت و بْرانزان بدکار سۆتکنت.

زَبور 87:2

هُداوندا سَهیونئے دروازگ دۆستر اَنت چه آ دگه هما سجّهێن جاگهان که آکوب جهمنند بوتگ.

زَبور 97:3

آس آییئے دێما رئوان اِنت و چه هر نێمگا آییئے دژمنان اێرَ بارت.

لوکا 17:29

بله آ رۆچا که لوت چه سُدومئے شهرا در آتک، هُدایا چه آسمانا آس و رۆکێن گۆکُرت گوارێنت و سُدومئے سجّهێن مردم گار و بێگواه کرتنت.

لوکا 19:43

په تئو اَنچێن رۆچَ کاینت که دژمن تئیی چپّ و چاگردا سَنگرَ بندنت و تئیی چارێن نێمگان اَنگرَّ کننت و تئیی پِڑ و چاگردا تَنْکَ تَرّێننت.

لوکا 21:20

وهدے شما گندێت که اورشَلیم، پئوج و لشکرا چپّ و چاگردا اَنگِرّ کرتگ، گڑا بزانێت که اِشیئے وئیرانیئے وهد نزّیکّ اِنت.

لوکا 9:54

وهدے ایسّائے مرید، آکوب و یوهَنّا چه اے هالا سَهیگ بوتنت، گوَشتِش: ”او هُداوند! تئو رزا دئیئے ما چه هُدایا بلۆٹێن که چه آسمانا آسے راه بدنت و اِشان بسۆچیت و هاک و پُر بکنت؟“

په تِسالونیکیان پولُسئے دومی کاگد 1:8

همایان سِزا دنت که هُدایا پَجّاهَ نئیارنت و مئے هُداوندێن ایسّائے وشّێن مِستاگئے پرمانبرداریا نکننت.

اِلهام 11:5

و اگن کَسے اِشان تاوان دئیگ بلۆٹیت، چه اِشانی دپا آس درَ کئیت و دژمنانَ وارت. گڑا اگن کَسے اِشان تاوان دئیگ بلۆٹیت، همے ڈئولا اَلّما کُشگَ بیت.

اِلهام 13:13

اِشیا مزنێن نشانی پێشَ داشت، آسی هم چه آسمانا تان زمینا مهلوکئے چمّانی دێما اێرَ گێتک.