اِلهام 18:9 - هُدائے پاکێن کتاب، بلۆچی زبانا

⁹ زمینئے بادشاهان که گۆن بابِلئے شهرا زِنا کرتگ و ائیش و نۆشئے زندِش گْوازێنتگ، وهدے آییئے سُچگئے دوتّانَ گندنت، په آییا گرێونت و پُرسیگَ بنت.

اِلهام 18:9 Кръстосани препратки

پێدایش 19:28

سُدوم و گُمورَهئے نێمگا، جَهلا، سجّهێن دشتئے نێمگا چارتی و دیستی که چه زمینا بزێن دوتّے چست اِنت، چۆ کورَهئے دوتّا.

زَبور 58:10

پهرێزکار، بێرا که گندیت، شادهیَ کنت، وتی پادان مان بدکارانی هۆنا شۆدیت.

دانیال 4:14

آییا گۆن بُرزێن تئوارێا گوَشت: ’درچکا گُڈّ و شاهڑانی بُرّ و تاکانی سِند و برانی شِنگ و شانگ کن. بِلّ که جانوَر چه اِشیئے ساهگا درَ کاینت و تچنت و مُرگ چه اِشیئے شاهڑان بالَ کننت.

په تیموتاووسا پولُسئے ائولی کاگد 5:11

کَسترێن جنۆزامانی نامان هئوار مکنێت، چێا که وهدے آیانی جسمی واهگ هما وپائے سرا که گۆن مَسیها هست‌اِنتِش، بالادستَ بنت، آ سور و سانگ کنگَ لۆٹنت.

اِلهام 14:11

آیانی اَزابئے دوتّ اَبد تان اَبد چستَ بنت. هما که رستر و آییئے بُتا پرستشَ کننت یا رسترئے نامئے نشانا زورنت، آیان رۆچ و شپ هچّ آرامَ نبیت.

اِلهام 17:2

گۆن آییا زمینئے بادشاهان زنا کرتگ و زمینا نِشتگێن مردم آییئے زِنهکاریئے شرابا بێسار کرتگ‌اَنت.“

اِلهام 18:18

وهدے آییئے سُچگئے دوتِّش دیست، کوکّارِش کرت و گوَشتِش: ”اے مزنێن شهرئے ڈئولێن، دگه شهرے بوتگ؟“

اِلهام 18:20

آییئے سرا شادهی کنێت، او آسمانان! شادهی کنێت، او هُدائے پَلگارتگێن مردمان، او کاسِد و پئیگمبران! چێا که هُدایا اِشیئے دادرسی هما پئیما کرتگ که اِشیا گۆن شما کرتگ.

اِلهام 18:3

چێا که سجّهێن کئومان آییئے زنائے مَست کنۆکێن شراب وارتگ. جهانئے بادشاهان گۆن آییا زنا کرتگ و دنیائے سئوداگر چه آییئے زیادهێن ائیش و آسودگیان هستۆمند بوتگ‌اَنت.

اِلهام 18:7

همینچک که وتا شان و شئوکتی داتگ و ائیش و نۆشئے تها زِندی گْوازێنتگ، نون همینچک اَزابی بدئیێت، چێا که وتی دلا گوَشتگی: ’من مَلکهے آن و تَهتئے سرا نِشتگان، جنۆزامے نه‌آن و هچبر پُرسَ نگندان.‘

اِلهام 19:3

و آیان یکّ رندے پدا گوَشت: ”هُداوندا بنازێنێت، هَلّێلویا. اَبد تان اَبد چه کهبگا دوتّ چستَ بیت.“

اِلهام 2:22

بچار، من آییا تَهتئے باهۆٹَ کنان و هما که گۆن آییا زِنا کنگا اَنت، آیان سکّێن اَزابێئے تها دئورَ دئیان، اگن آییئے کارانی رَندگیری‌اِش یله ندات و تئوبه‌اِش نکرت.