اِلهام 14:3 - هُدائے پاکێن کتاب، بلۆچی زبانا

³ اے یکّ سَد و چِلّ و چار هزارێن مردم، تَهتئے دێما و چارێن سَهدار و کماشانی دێما نۆکێن سئوتے جنگا اَتنت. اَبێد چه هما یکّ سَد و چِلّ و چار هزارێنان که چه زمینا مۆکگ بوتگ‌اَتنت، دگه کَسّا اے سئوت در برتَ نکرت.

اِلهام 14:3 Кръстосани препратки

زَبور 144:9

من په تئو نۆکێن سئوتے جنان، او هُدا! ده‌تارێن سرۆز و چنگئے سرا په تئو سازَ جنان،

زَبور 149:1

هُداوندا بنازێنێت، هَلّێلویا. په هُداوندا نۆکێن سئوتے بجنێت و آییا، آییئے وپادارانی مُچیا بنازێنێت.

زَبور 25:14

هُداوند وتی دلئے راز و رمزان گۆن هداتُرسان درشانَ کنت، وتی اَهد و پئیمانا په آیان پَجّارێنیت.

زَبور 33:3

په آییا، نۆکێن سئوتے بیارێت، گۆن وَشپنجگی سیمّان بلرزێنێت و په شادهی گوانک جنێت.

زَبور 40:3

نۆکێن سئوتے منی دپا داتی، مئے هُدائے ستا و سنائے شئیر. بازێنے گندیت و منّیت و هُداوندئے سرا تئوکلَ کنت.

زَبور 96:1

په هُداوندا نۆکێن سئوتے بجنێت. او سجّهێن زمین! هُداوندا بنازێن.

زَبور 98:1

په هُداوندا نۆکێن سئوتے بجنێت، که اَجَبێن کاری کرتگ، آییئے راستێن دست و پاکێن باسکا سۆب و پیرۆزی کَٹّتگ.

اِلهام 14:1

رندا من چارت تَه هما گوَرانڈ سَهیونئے کۆهئے سرا اۆشتاتگ و یکّ سَد و چِلّ و چار هزار مردمی گۆن که آییئے و آییئے پتئے نامِش پێشانیگئے سرا نبشته اِنت.

اِلهام 15:3

آیان هُدائے هِزمتکار موسّائے سئوت دپا اَت و گوَرانڈئے سئوت هم. گوَشگا اَتنت: ”تئیی کار مزن و هئیران کنۆک اَنت، او پُرواکێن هُداوندێن هُدا! تئیی راه په اَدل و راستی اَنت، او کئومانی بادشاه!

اِلهام 2:17

هرکَسا که گۆش پِر، گۆش بداریت که پاکێن روه گۆن کِلیسایان چے گوَشیت. هما که سۆبێنَ بیت، من آییا چه چێر و پناهێن مَنّا بَهرے دئیان. من آ مردما اسپێتێن سِنگے هم دئیان که آییئے سرا نۆکێن نامے نبشته اِنت. اے ناما تهنا هما زانت که آییا دئیگَ بیت.

اِلهام 5:9

آ نۆکێن سئوتے جنَگا و گوَشگا اَتنت: ”تئو تومارئے زورگ و اِشیئے مُهرانی پَچ کنگئے لاهک ائے چێا که تئو هِلار کنگ بوتگئے و گۆن وتی هۆنا په هُدایا چه هر کَبیله، زبان، کئوم و راجا مردم په بها زرتگ.

اِلهام 7:4

و من همایانی هساب اِشکت که مُهر جنَگ بوتگ‌اَتنت. چه اِسراییلئے چُکّانی سجّهێن کَبیلهان، یکّ سَد و چِلّ و چار هزار مردم مُهر جنَگ بوتگ‌اَت: