زَبور 81:8 - هُدائے پاکێن کتاب، بلۆچی زبانا

⁸ او منی کئوم! بِشکن که ترا ڈاهَ دئیان، او اِسراییل! دْرێگتا تئو منی هبر گۆش بداشتێن.

زَبور 81:8 Кръстосани препратки

زَبور 50:7

”او منی مردمان! بِشکنێت که هبرَ کنان. او اِسراییل! تئیی هلاپا گواهیَ دئیان. من هُدا آن، شمئے هُدا.

زَبور 81:13

دْرێگتا منی کئوما منی هبر گۆش بداشتێن و اِسراییل، منی راها بشُتێن.

دَرگوَز 15:26

هُداوندا گوَشت: ”اگن تئو په دلگۆش وتی هُداوندێن هُدائے تئوارا گۆش بدارئے و هما کاران بکنئے که آییئے چمّان شَرّ اَنت، اگن آییئے هُکمان دلگۆش بکنئے و آییئے سجّهێن پرمانان بِمَنّئے، هچّ چُشێن نادْراهیے تئیی سرا نئیاران که من مِسریانی سرا آورت، چێا که منِ هُداوند تئیی دْراه کنۆک آن.“

دَرگوَز 17:7

آییا آ جاگهئے نام مَسَّه و مِریبَه کرت، چێا که اۆدا اِسراییلی اَڑِتنت و هُداوندِش هم چکّاست و گوَشتِش: ”بارێن هُداوند گۆن ما گۆن اِنت یا نه؟“

دَرگوَز 19:16

چۆ بوت که سئیمی رۆچئے سُهبا گْرند و گِرۆک بوت و کۆهئے سرا بَزێن جمبرے زاهر بوت و کرنائے اَنچێن ترُندێن تئوارے چِست بوت که اُردگاهئے سجّهێن مردم چه تُرسا لَرزِتنت.

یوهَنّا 3:11

ترا راستێنَ گوَشان، ما هما چیزّانی هبرا کنێن که آیانی بارئوا زانێن و هما چیزّ که ما دیستگ‌اَنت، همایانی شاهدیا دئیێن. بله شما مئے شاهدیا نمَنّێت.

کاسِدانی کار 20:21

من یَهودی و یونانی، دوێن پنت و سۆج داتگ‌اَنت که چه وتی رَدێن کاران تئوبه بکننت، هُدائے راها بگرنت و مئے هُداوندێن ایسّائے سرا ایمان بیارنت.

یوهَنّائے ائولی کاگد 5:9

اگن ما انسانئے گواهیا مَنّێن، گڑا هُدائے گواهی باز مستر اِنت، چێا که هُدائے گواهی هما اِنت که وتی چُکّئے بارئوا داتگی.