زَبور 8:3 - هُدائے پاکێن کتاب، بلۆچی زبانا

³ وهدے تئیی آسمانانی نێمگا چاران که تئیی لنکُکانی اِزم و هنر اَنت ماه و اِستارانی نێمگا، که تئو برجاه داشتگ‌اَنت،

زَبور 8:3 Кръстосани препратки

پێدایش 1:1

بُنگێجا، هُدایا آسمان و زمین اَڈّ کرتنت.

زَبور 104:19

تئو ماه په وهدانی نشان کنگا اَڈّ کرت و رۆچ وتی اێر نِندگئے وهدا زانت.

زَبور 111:2

هُداوندئے کار مزن اَنت، هرکَسئے دلا که نِشتگ‌اَنت، آیانی سرا په شرّی پگرَ کننت.

زَبور 148:3

او ماه! او رۆچ! آییا ستا کنێت. او سجّهێن دْرپشناکێن اِستاران! آییا ستا کنێت.

زَبور 19:1

آسمان هُداوندئے شان و مزنیا پدّرَ کنت، بُرزێن اَرش آییئے دستئے کاران.

زَبور 33:6

گۆن هُداوندئے گال و هبرا آسمان اڈّ بوتگ‌اَنت و آیانی سجّهێن لشکر، گۆن آییئے دپئے دَما.

زَبور 89:11

آسمان تئیگ اِنت و زمین هم، جهان و اِشیئے تها هرچے که هست، تئو اَڈّ کرتگ‌اَنت.

دَرگوَز 31:18

وهدے هُداوندا سینائے کۆهئے سرا گۆن موسّایا هبر هلاس کرت، شاهدیئے دوێن وانِکی موسّائے دستا داتنت، سِنگئے دو وانِک اَتنت که اِشانی سرا هُداوندا دَهێن پرمان دستِ وت نبشته کرتگ‌اَتنت.

دَرگوَز 8:19

جادوگران گۆن پِرئونا گوَشت: ”اے هُدایی کارے.“ بله هما پئیما که هُداوندا گوَشتگ‌اَت، پِرئونئے دل سِنگ اَت و موسّا و هارونئے هبری گۆش نداشتنت.

لوکا 11:20

بله اگن من گۆن هُدائے زۆر و واکا جِنّان درَ کنان، بزانێت که هُدائے بادشاهی شمئے نیاما رَستگ.

پولُسئے کاگد په رومیان 1:20

چه دنیائے جۆڑێنگا بگر تان انّون هُدائے چێر و اندێمێن جئوهر، بزان آییئے اَبدمانێن زۆر و هُدایی سَرِشت چه آییئے جۆڑێنتگێن چیزّان گِندگ و زانگَ بیت، نون مردمان نامَه و نیمّۆنے نێست.