زَبور 71:23 - هُدائے پاکێن کتاب، بلۆچی زبانا

²³ منی لُنٹ شادمانیئے کوکّارا کننت، من ترا نازێنان، که تئو منا مۆکِتگ.

زَبور 71:23 Кръстосани препратки

پێدایش 48:16

هما پرێشتگ که منا چه هر تاوانا رَکّێنتگی، اے چُکّان برکت بدئیات. اے منی نامئے سرا و منی پت و پیرُکئے نامئے سرا بزان اِبراهێم و اِساکئے ناما زانَگ باتنت و زمینئے سرا سکّ باز باتنت.“

زَبور 103:4

ترا چه مُردگانی جهانا رَکّێنیت و مِهر و رهمتئے تاجے تئیی سرا دنت.

زَبور 104:33

من وتی سجّهێن زندا په هُداوندا سئوتَ جنان، تانکه زندگ آن، وتی هُدایا نازێنان.

زَبور 34:22

هُداوند وتی هزمتکارانی زِندا رَکّێنیت، هرکَس که آییئے باهۆٹَ بیت، مئیاربارَ نبیت.

زَبور 63:5

اَرواهُن اَنچش سێرَ بیت چۆ که یکّے وشّێن وراکے بوارت و دَپُن گۆن شادمانێن لُنٹان ترا نازێنیت.

اِلهام 5:9

آ نۆکێن سئوتے جنَگا و گوَشگا اَتنت: ”تئو تومارئے زورگ و اِشیئے مُهرانی پَچ کنگئے لاهک ائے چێا که تئو هِلار کنگ بوتگئے و گۆن وتی هۆنا په هُدایا چه هر کَبیله، زبان، کئوم و راجا مردم په بها زرتگ.