زَبور 7:6 - هُدائے پاکێن کتاب، بلۆچی زبانا

⁶ او هُداوند! گۆن وتی هِژما جاه بجن و منی دژمنانی گَزبئے دێما پاد آ! آگاه بئے، او منی هُدا! تئو ائے که دادرسیئے جارِت جتگ!

زَبور 7:6 Кръстосани препратки

زَبور 103:6

هُداوند اَدل و انساپَ کنت و په سجّهێن سِتَم دیستگێنان دادرَسی.

زَبور 12:5

هُداوندَ گوَشیت: ”چه نِزۆرێن مردمانی لگتمالی و هاجتمندانی نالگانی سئوَبا نون جاهَ جنان. من اِشان هما پئیما اێمنیَ بَکشان که اِشانی اَرمان اِنت.“

زَبور 138:7

هرچُنت که سَکّی و سۆریانی تها گَردان، بله تئو منا زندگَ دارئے. تئو منی دژمنانی هِژمئے هلاپا وتی دستا شهارئے و گۆن وتی راستێن دستا منا رَکّێنئے.

زَبور 143:3

دژمن منی رَندا کپتگ، آییا منا زمینا دئور داتگ، منا تهاریا جَهمنندی کرتگ کوَهنێن مُردگانی پئیما.

زَبور 3:7

او هُداوند! پاد آ. او منی هُدا! منا برَکّێن. تئو ائے که منی دژمنانی دێما شهماتَ جنئے و بدکارانی دپ و دنتانانَ پرۆشئے.

زَبور 35:1

او هُداوند! گۆن همایان بمڑ که گۆن منَ مڑنت و گۆن همایان جنگ کن که گۆن من جنگَ کننت.

زَبور 35:23

آگاه بئے و په منی دادرسیا جاه بجن. او منی هُدا، او منی هُداوند! په منی هکّا.

زَبور 44:23

او هُداوند! آگاه بئے. په چے واب ائے؟ جاه جن و مارا تان اَبد یله مکن.

زَبور 44:26

پاد آ و مئے مَدَتا بیا، وتی مِهرئے سئوَبا مارا بمۆک و برَکّێن.

زَبور 59:5

او هُداوند، او لشکرانی هُدا! تئو اِسراییلئے هُدا ائے، آگاه بئے، سجّهێن کئومان سِزا بدئے و بدکارێن درۆهۆکانی سرا رهم مکن. اۆشت...

زَبور 73:20

وابێئے ڈئولا اَنت که وهدے چمّ پچَ بنت گارَ بیت، آ وهدا که تئو پادَ کائے، او هُداوند، اِشان وهمێئے پئیما مانَ نئیارئے.

زَبور 74:3

وتی گامان دێم په وتی همے مُدامیگێن وئیرانگان بترّێن، چیا که دژمنا هر چیزّ بێران کرتگ که تئیی پاکێن جاگها بوتگ.

زَبور 78:65

نون هُدایا اَنچش جاه جت که یکّے چه وابا بُستَ کنت، چۆ که جنگۆلے چه شرابئے بێهۆشیا جاه بجنت.