زَبور 69:12 - هُدائے پاکێن کتاب، بلۆچی زبانا

¹² شهرئے مسترانی گوَرا نام و دپ آن و شرابیانی سئوت.

زَبور 69:12 Кръстосани препратки

پێدایش 19:1

بێگاها، دوێن پرێشتگ سُدوما سر بوتنت. لوت شهرئے دروازگئے دپا نِشتگ‌اَت. وهدے پرێشتگی دیستنت، پاد آتک و آیانی پێشوازیا شت، په اَدب سَری جَهل کرت و

زَبور 35:13

بله وهدے آ نادْراه اتنت، من سوگی گُد و پۆشاک گوَرا کرت و جسم و جان گۆن رۆچگ دارگا رنجێنت. وهدے منی دْوا بێپسّئو منتنت

دانیال 5:23

تئو وتارا آسمانی هُداوندئے دێما بُرز زانت و لێکِت و هُکمِت کرت که هُدائے لۆگئے دَرپ تئیی دێما آرگ ببنت. تئو و تئیی میر و مهتِران، تئیی جَنان و سُریَتان اے درپانی تها شراب وارت و تئو نُگره، تلاه، بْرنج، آسن، دار و سِنگێن هُدا ستا کرتنت که نه گندنت، نه اشکُننت و نه سرپدَ بنت. بله تئو هما هُدا شان و شئوکت ندات که تئیی ساه و تئیی سجّهێن راه آییئے دستا اَنت.

مَتّا 27:20

بله مزنێن دینی پێشوا و کئومئے کماشان مردمانی مُچّی سکّ شۆرێنت و آشُپێنت که ایسّائے مَرک و باراباسئے آزاتیا بلۆٹنت.

لوکا 23:2

آییئے سرا تُهمت و بُهتام جنانا گوَشتِش: ”ما دیستگ که اے مرد، کئوما گُمراهَ کنت، رومئے کئیسَرئے سُنگ و مالیات دئیگا مَنَه و مَکَنَ کنت و گوَشیت: ’من مَسیه و بادشاه آن.‘“