زَبور 68:5 - هُدائے پاکێن کتاب، بلۆچی زبانا

⁵ هُدا وتی پاکێن بارگاها چۆرئوانی پت اِنت و جنۆزامانی دادرس.

زَبور 68:5 Кръстосани препратки

زَبور 10:14

بله اَلبت تئو گندئے. سَکّی و سۆریانَ گندئے، تان کار و اِهتیارا وتی دستا بدارئے. بزّگ و بێچارگ وتا تئیی سپردگَ کننت، چۆرئوانی مَدَت کنۆک تئو ائے.

زَبور 10:18

چۆرئو و سِتم دیستگێنانی دادرسیا کنئے تانکه اے هاکیێن انسان دگه برے تُرس و دِهشَت مپرّێننت.

زَبور 118:19

اَدل و راستیئے دروازگان په من پَچ کن، که بپُتران و هُداوندئے شُگرا بِگران.

زَبور 146:9

هُداوند درامدانی نِگهپانیا کنت و چۆرئو و جنۆزامانی هئیالا داریت، بله بدکارانی راها چَپّ و چۆٹَ کنت.

زَبور 150:6

هرچیزّا که ساه مان، هُداوندا ستا بکنات. هُداوندا بنازێنێت، هَلّێلویا.

زَبور 33:14

چه وتی بادشاهی تهتا زمینئے سجّهێن جهمنندانَ چاریت،

زَبور 72:2

تانکه آ په اِنساپ تئیی کئومئے سرا دادرسی بکنت، سِتَم دیستگێنانی سرا په اَدل.

زَبور 72:4

بادشاه کئومئے ستم دیستگێنانی هکّا بدئیات، مهتاجانی چُکّان برَکّێنات و ستمگران تباه کنات.

دَرگوَز 3:15

هُدایا گۆن موسّایا اے هم گوَشت: ”گۆن بنی اِسراییلا بگوَش که ’یَهوِه‘، بزان شمئے بُنپیرکانی هُدا، اِبراهێمئے هُدا، اِساکئے هُدا و آکوبئے هُدایا منا شمئے کرّا راه داتگ. تان اَبد منی نام همِش اِنت و من نَسلانی نَسل همے ناما یات کنگَ بان.