زَبور 60:1 - هُدائے پاکێن کتاب، بلۆچی زبانا

¹ او هُدا! تئو مارا یله کرتگ و مئے سنگر پرۆشتگ‌اَنت، هِژمناک بوتگئے، بله نون گۆن ما وَشّان بئے.

زَبور 60:1 Кръстосани препратки

زَبور 108:11

او هُدا! تئو هما نه‌ائے که مارا یله‌اِت کرتگ؟ نون گۆن مئے لشکران همراهَ نبئے؟

زَبور 44:9

بله نون تئو مارا دئور داتگ و بےاِزّت کرتگ، مئے لشکرئے همراهَ نبئے.

زَبور 59:1

او منی هُدا! منا چه دژمنان برَکّێن و چه آیان که منی هلاپا جاهَ جننت، منی نگهپانیا بکن.

زَبور 59:11

او هُداوند که مئے اِسپر ائے! آیان مکُش، چُش مبیت که منی کئوم بشمۆشیت. گۆن وتی زۆراکیا اِشان سرگردان کن و اێر بیار.

زَبور 60:10

او هُدا! تئو مارا یله داتگ. او هُدا! پدا مئے لشکرانی همراهَ نبئے.

زَبور 74:1

او هُدا! چیا مارا تان اَبد یله داتگِت؟ په چے تئیی هِژمئے آس په تئیی چَراگاهئے پسان رۆک اِنت؟

زَبور 79:5

او هُداوند! تان کدێن زهرَ بئے؟ تان اَبد؟ تان کدێن تئیی هسدّ آسئے پئیما رۆکَ بیت؟

زَبور 79:9

او مئے رَکّێنۆکێن هُدا! مارا مَدَت کن، وتی نامئے شان و شئوکتئے سئوَبا، په وتی نامئیگی مارا برَکّێن و مئے گناهان ببَکش.

زَبور 80:1

او اِسراییلئے شپانک! گۆش دار، تئو که شپانکێئے پئیما ایسُّپئے رمگئے رهشۆن ائے. او هُدا! تئو که کَرّوبیانی نیاما بادشاهی تهتا نِشتگئے، وتی نورا تالان کن.

زَبور 80:3

او هُدا! گۆن ما وشّان بئے وتی دێما گۆن ما رُژنا کن که ما برَکّێن.

زَبور 85:4

او مئے رَکّێنۆکێن هُدا! گۆن ما وشّان بئے و وتی گَزبا چه ما دور کن.

زَبور 89:19

یک وهدے تئو، شُبێنا گۆن وتی وپاداران هبر کرت و گوَشت: ”من جنگۆلے مَدَت کرتگ و چه کئوما گچێنی ورناے رۆدێنتگ.

زَبور 89:3

تئو گوَشت: ”من گۆن وتی گچێن کرتگێنا اَهد و کَرارے بستگ و گۆن وتی هزمتکار داوودا په سئوگند کئول کرتگ:

زَبور 89:38

بله انّون تئو وتی دێم تَرّێنتگ و آ یله کرتگ، وتی رۆگن پِر مُشتگێنئے سرا هِژم گپتگئے.

زَبور 89:7

هُدائے تُرس آسمانی هستیانی نیاما سکّ مزن اِنت، آ چه وتی چَپّ و چاگردئے سجّهێنان باکَمالتِر اِنت.

زَبور 90:13

دێم په ما پِر تَرّ، او هُداوند! تان کدێن چُشَ بیت؟ وتی هزمتکارانی سرا رَهم کن.