زَبور 6:10 - هُدائے پاکێن کتاب، بلۆچی زبانا

¹⁰ منی سجّهێن دژمن شرمندگ و سَکّ پرێشانَ بنت، آ دێما چهرَ دئینت و پَشَل و شرمندگَ بنت.

زَبور 6:10 Кръстосани препратки

زَبور 112:10

بدکارَ گندیت و هِژمناکَ بیت، چه زهرا دنتانَ درُشیت و آپَ بیت، بدکارئے واهگ نامُرادَ بنت.

زَبور 132:18

اِشیئے دژمنان، شرمساریئے پۆشاکا گورا دئیان و اِشیئے سر گۆن دْرپشۆکێن تاجێا بُرزَ بیت.“

زَبور 2:5

آ وهدا وتی هِژمئے تها گۆن آیان هبرَ کنت، وتی گَزبئے تها آیانَ تُرسێنیت:

زَبور 25:3

جی هئو! آ که تئیی سرا اۆست و امێتَ کنت، هچبر سرجَهل ببنت. آ که بے سئوَبا بێوپاییَ کننت سرجَهل و شرمندگَ بنت.

زَبور 35:26

هرکَس که منی مُسیبتانی سرا شادهیَ کنت شرمندگ و سرجَهل بات، آ که وتا چه من بُرزترَ کننت گۆن شرم و بێشَرَپی پۆشێنگ باتنت.

زَبور 5:10

او هُدا! اِشان مئیاربار هساب کن، بِلّ که وتی شئورانی تها ببُڈّنت. آیانی بازێن ناپرمانیانی سئوَبا، چه وت دورِش کن، چیا که تئیی هلاپا شۆرشِش کرتگ.

زَبور 55:20

منی بْراهُندگا وتی دست دۆستانی هلاپا شهارت و وتی کئولی پرۆشت.

زَبور 7:6

او هُداوند! گۆن وتی هِژما جاه بجن و منی دژمنانی گَزبئے دێما پاد آ! آگاه بئے، او منی هُدا! تئو ائے که دادرسیئے جارِت جتگ!

زَبور 71:13

منی بُهتام جنۆک شرمسار و تباه باتنت و آ که منی آزارئے پدا اَنت پَشَل و شرمندگ باتنت.

زَبور 71:24

سجّهێن رۆچا تئیی آدلێن کارانی زِگرا کنان چیا که آ که منی آزار رسێنگئے لۆٹۆک اتنت، سرجهل و شرمسار بوتگ‌اَنت.

زَبور 73:19

اناگت گار و زئوالَ بنت، چه تُرسا سَرجما بێرانَ بنت.

زَبور 86:17

منا وتی رهمتانی نشانیے بدئے، تان هما که گۆن من نپرت کننت بگندنت و شرمندگ ببنت، چیا که تئو، او هُداوند، منا مدت کرتگ و تسلّا داتگ.

په تِسالونیکیان پولُسئے ائولی کاگد 5:3

هما وهدا که مردمَ گوَشنت ”اَمن و امان اِنت“، آیانی سرا اَناگت تباهیے کئیت، انچۆ که لاپ‌پُرّێن جنێنێئے چِلّگی درد اناگتَ کایَنت، و آ تَتکَ نکننت.