زَبور 54:3 - هُدائے پاکێن کتاب، بلۆچی زبانا

³ چیا که بیگانگ، منی دێما په دژمنی پاد آتکگ‌اَنت و سِتمگر منی کۆشئے پدا اَنت، هما که هُدایا وتی چمّانی دێما نئیارنت. اۆشت...

زَبور 54:3 Кръстосани препратки

زَبور 16:8

من مُدام هُداوند وتی دێم په دێما دیستگ، آ منی راستێن پهناتا اِنت، چه همے سئوَبا منَ نلرزان.

زَبور 20:2

چه وتی پاکێن جاگها په تئو کُمک برسێنات و چه سَهیونا ترا مَدَت کنات.

زَبور 22:16

کُچکان منی چپّ و چاگرد گپتگ، شِرّ و بدکارانی رُمبا اَنگِرّ آن، منی دست و پادِش ٹُنگ ٹُنگ کرتگ‌اَنت،

زَبور 36:1

گناه، بدکارا مان آییئے دلئے جُهلانکیا گوانکَ جنت، آییئے چمّان هُداتُرسی نێست.

زَبور 40:14

آ سجّهێن که منی کۆشئے رندا اَنت و منی مرکا لۆٹنت سرجهل و شرمسار باتنت، آ که منی سیه‌رۆچیئے پدا اَنت پُشتا برئوات و رسوا باتنت.

زَبور 43:1

او هُدا! گناهئے بُهتاما چه منی سرا بٹَگلێن، هُداناباورێن کئومێئے دێما، په منی هَکّا جاه بجن و منا چه بدکار و پرێبکارانی دستا برَکّێن،

زَبور 53:4

بدکار هچ سرپدَ نبنت؟ اے منی کئوما اَنچشَ ورنت که مردم نگنَ ورنت و هُدایا هچ تئوارَ نکننت.

زَبور 69:8

براتانی چمّا بیگانگ بوتگان و وتی ماتئے چُکّانی دێما دَرامدے.

زَبور 86:14

او هُدا! گُروناکێن مردم منی هلاپا پاد آتکگ‌اَنت، زۆراکانی رُمبے منی کُشگئے جُهدا اِنت و ترا هچ مانَ نئیاریت.

یوهَنّا 16:3

آ اے کارانَ کننت، چێا که نه پتا زاننت و نه منا.