زَبور 5:9 - هُدائے پاکێن کتاب، بلۆچی زبانا

⁹ چیا که راستی آیانی زبانا نێست و دل و دَرونِش تباهی اِنت و بسّ. گُٹّ و گلواِش پْراهێن کَبرے و وتی زبانا په چاپلوسی کارَ بندنت.

زَبور 5:9 Кръстосани препратки

زَبور 27:11

او هُداوند! وتی راها منا سۆج دئے، دژمنانی سئوَبا منا راست و تچکێن راها رهشۆن بئے.

زَبور 51:6

نون دلجم آن که تئو چه منی دل و جبینا راستیئے لۆٹۆک ائے و چێر و پناهێن درونا منا هکمتَ بَکشئے.

زَبور 52:2

او پرێبکار! تئیی زبان، تباهی و بربادیئے پندلانَ سازیت، اَلماسێن تێگێئے پئیما.

زَبور 62:4

البت پندلَ سازنت که آییا چه بُرزاد سرشکون بکننت. چه درۆگ بندگا لزّتَ برنت، گۆن وتی دپا برکتَ دئینت، بله دلئے تها نالتَ کننت. اۆشت...

زَبور 62:9

په راستی که انسان چه دَمێا گێشتر نه‌اِنت، بنی آدم پرێبے، اگن شاهێما تۆرِش بکننت هچ نه‌اَنت. اے سجّهێن، یکجاه چه دمے گێشتر نه‌اَنت.

زَبور 64:6

نااِنساپیا دلیل و هُنرَ کننت و گوَشنت: ”ما تمان و کمالێن شئورے کرتگ.“ په راستی که انسانئے دل و هئیال زانگَ نبنت.

زَبور 69:19

تئو آ سُبکّیان وتَ زانئے که منی سرا اَنت و منی شرمساری و رسواییان، منی سجّهێن دژمن تئیی دێما اَنت.

لوکا 11:39

گڑا هُداوندێن ایسّایا دێم گۆن آییا کرت و گوَشتی: ”شما پَریسی، پیاله و دَرپانی ڈنّی نێمگا ساپ و سَلّهَ کنێت، بله شمئے درون چه لالچ و تَماه و رَدێن کاران پُرّ اِنت.

لوکا 11:44

بَژن اِنت، شما هما کبرانی پئیما اێت که آیانی سرا سِنگ و شَکّ نێست و گِندگَ نبنت و مردم په نازانتی آیانَ لپاشنت و گوَزنت.“

پولُسئے کاگد په رومیان 3:13

گُٹّ و گلواِش پْراهێن کَبرے، زبانا په مکر و پرێبا کارَ بندنت، گَرّمارئے زَهرِش لُنٹانی چێرا اِنت و

په تِسالونیکیان پولُسئے ائولی کاگد 2:5

شما زانێت که ما هچبر چاپلوسی نکرتگ و نه مارا چێرێن تَماه و لالِچے بوتگ. هُدا شاهد اِنت.