زَبور 39:12 - هُدائے پاکێن کتاب، بلۆچی زبانا

¹² ”او هُداوند! منی دْوایا بِشکن و په کُمکا منی پریاتئے نێمگا دلگۆش کن، ارسانُن مشمۆش و بێتئوار مبئے. چیا که تئیی گوَرا مهمانێئے پئیما آن، دَرامدے، وتی پت و پیرێنانی ڈئولا.

زَبور 39:12 Кръстосани препратки

پێدایش 21:34

تان مزنێن وهدێا اِبراهێما پیلِستیانی سرڈگارا دَرامدێئے هسابا زِندَ گوازێنت.

پێدایش 47:9

آکوبا پسّئو دات: ”منی زندئے مُساپریا سَد و سی سال اِنت. منی اُمر مزن نه‌اِنت و منی سال په سکّی و سۆری گوَستگ‌اَنت. چه منی پت و پیرُکانی مُساپریئے سالان کمتر اَنت.“

زَبور 102:1

او هُداوند! منی دْوایا گۆش دار، منی پریات ترا سر بات.

زَبور 116:3

مرکئے سادان پتاتگ‌اَتان، کبرئے تُرس منی سرا کَپتگ‌اَت گم و اندۆهانی بندیگ اتان.

زَبور 119:19

من زمینا درامَدے آن، وتی هُکمان چه من چێر مدئے.

زَبور 119:54

تئیی هُکم منی سئوت بوتگ‌اَنت هر جاگه که نندۆک بوتگان.

زَبور 56:8

تئو منی دَرپَدَریئے هسابانَ دارئے، منی اَرسان وتی اَرسدانا بکن، اے تئیی کتاب و دپتران نبشته نه‌اَنت؟

زَبور 90:9

مئے سجّهێن زِند تئیی هِژمئے چێرا گوَزیت و وتی سالان په نالگا هلاسَ کنێن.

پِتْرُسئے ائولی کاگد 1:17

اگن شما هُدایا وتی پتَ گوَشێت، که آ هرکَسئے دادرسیا بے رو و ریا، آییئے کارانی هسابا کنت، گڑا وتی دَرانڈهیئے وهد و پاسان په شرپ و اِزّت گۆن هُداتُرسی بگوازێنێت.

پِتْرُسئے ائولی کاگد 2:11

او دُردانگان! شما اے دنیایا بێگانگ و دَرامد اێت. منی دَزبندی همِش اِنت که وتا چه آ جسمانی لۆٹ و واهگان پهرێز بکنێت که شمئے روهئے هلاپا جنْگَ کننت.