زَبور 37:25 - هُدائے پاکێن کتاب، بلۆچی زبانا

²⁵ ورنا اَتان و نون پیر آن، بله چُشێن پهرێزکارے ندیستُن که هُداوندا یله کرتگ یا که چُکّی په نانێا گدا بوتگ‌اَنت.

زَبور 37:25 Кръстосани препратки

پێدایش 17:7

من وتی و تئیی نیامئے اَهد و پئیمانا اَبدمانێن اَهد و پئیمانے جۆڑَ کنان، گۆن تئو و گۆن تئیی آیۆکێن نَسل و پَدرێچا. من تئیی هُدا آن و چه تئو رند تئیی پُشپَدئے هُدا بان.

زَبور 109:10

چُکّی پنڈۆک و دَرپَدَر باتنت و چه وتی پرُشتگێن لۆگان در کنگ باتنت.

زَبور 112:2

آییئے نَسل و اۆبادگ زمینئے سرا پُرزۆرَ بنت، برکت نێکدلانی پدرێچا رسیت.

زَبور 25:13

آ وتی رۆچان په سێری و هزگاریَ گوازێنیت و آییئے چُکّ و اۆبادگ زمینئے میراس برۆکَ بنت.

زَبور 37:28

چیا که هُداوندا اَدل دۆست اِنت و وتی دۆستداران یلهَ نکنت. هُداوند تان اَبد پهرێزکارانی پُشت و پناه اِنت، بله بدکارانی نَسل گُڈّگَ بیت.

زَبور 59:15

وراکئے شۆهازا سَر سَر جنانَ بنت و اگن سێر مبنت وابَ نکپنت.

زَبور 71:18

او هُدا! نون که پیر آن و مود اسپێت اَنت، منا یله مکن، تان نۆکێن پدرێچئے نیاما تئیی زۆرئے جارا بجنان و سجّهێن آیۆکێن نسلان چه تئیی واک و توانا سهیگ بکنان.

زَبور 71:9

پیریا منا چه وتا دور مکن، آ وهدا که توانُنَ کُٹّیت، یله‌اُن مکن.

زَبور 94:14

چیا که هُداوند وتی کئوما یلهَ نکنت و وتی میراسا دئورَ ندنت.

کاسِدانی کار 21:16

چه کئیسَریَهئے شهرا لهتێن مرید مئے همراه بوت، آیان مارا په دارگ و مهمان بئیگا مَناسون نامێن باوَرمندێئے لۆگا برت. آ چه ایسّائے ائولی مَنّۆگران اَت و بێها کِبْرِسیے اَت.