زَبور 33:3 - هُدائے پاکێن کتاب، بلۆچی زبانا

³ په آییا، نۆکێن سئوتے بیارێت، گۆن وَشپنجگی سیمّان بلرزێنێت و په شادهی گوانک جنێت.

زَبور 33:3 Кръстосани препратки

زَبور 144:9

من په تئو نۆکێن سئوتے جنان، او هُدا! ده‌تارێن سرۆز و چنگئے سرا په تئو سازَ جنان،

زَبور 149:1

هُداوندا بنازێنێت، هَلّێلویا. په هُداوندا نۆکێن سئوتے بجنێت و آییا، آییئے وپادارانی مُچیا بنازێنێت.

زَبور 40:3

نۆکێن سئوتے منی دپا داتی، مئے هُدائے ستا و سنائے شئیر. بازێنے گندیت و منّیت و هُداوندئے سرا تئوکلَ کنت.

زَبور 40:4

بَهتاور هما اِنت که هُداوندئے سرا تئوکلَ کنت و دێما گۆن پُرکبرێنانَ نکنت، گۆن همایان که درۆگێن هُدایانی رَندگیریا گُمراه اَنت.

زَبور 96:1

په هُداوندا نۆکێن سئوتے بجنێت. او سجّهێن زمین! هُداوندا بنازێن.

زَبور 98:1

په هُداوندا نۆکێن سئوتے بجنێت، که اَجَبێن کاری کرتگ، آییئے راستێن دست و پاکێن باسکا سۆب و پیرۆزی کَٹّتگ.

اِلهام 14:3

اے یکّ سَد و چِلّ و چار هزارێن مردم، تَهتئے دێما و چارێن سَهدار و کماشانی دێما نۆکێن سئوتے جنگا اَتنت. اَبێد چه هما یکّ سَد و چِلّ و چار هزارێنان که چه زمینا مۆکگ بوتگ‌اَتنت، دگه کَسّا اے سئوت در برتَ نکرت.

اِلهام 5:9

آ نۆکێن سئوتے جنَگا و گوَشگا اَتنت: ”تئو تومارئے زورگ و اِشیئے مُهرانی پَچ کنگئے لاهک ائے چێا که تئو هِلار کنگ بوتگئے و گۆن وتی هۆنا په هُدایا چه هر کَبیله، زبان، کئوم و راجا مردم په بها زرتگ.