زَبور 31:17 - هُدائے پاکێن کتاب، بلۆچی زبانا

¹⁷ هُداوندا! مئیل که شرمندگ ببان، چیا که ترا تئوارُن پِر جتگ، بِلّ که شَرور سرجهل و شرمندگ ببنت و مُردگانی جهانا بێتئوار.

زَبور 31:17 Кръстосани препратки

زَبور 115:17

مُردَگ هُداوندا ننازێننت، نه آ مردم که رئونت و بێتئوارَ بنت.

زَبور 31:1

او هُداوند! تئیی مئیار و باهۆٹ بوتگان، هچبر مئیل که شرمندگ ببان، وتی اَدل و اِنساپئے تها منا نجات بدئے.

زَبور 34:5

آ که چمِّش گۆن آییا اِنت دْرپشان اَنت، آیانی دێم هچبر شرمسارَ نبیت.

زَبور 35:26

هرکَس که منی مُسیبتانی سرا شادهیَ کنت شرمندگ و سرجَهل بات، آ که وتا چه من بُرزترَ کننت گۆن شرم و بێشَرَپی پۆشێنگ باتنت.

زَبور 35:4

آ که منی زِندئے تباهیئے رندا اَنت، رسوا و شرمندگ باتنت. آ که په منی تاوانا پندلَ جۆڑێننت، پُشتا بکنزات و پَشَل باتنت.

زَبور 4:7

تئو منی دل چه شادانیا سررێچ کرتگ، چه آیانی هما وهدئے شادانیا گێشتر که دان و گَلّه و تازگێن شرابِش باز ببنت.

زَبور 6:10

منی سجّهێن دژمن شرمندگ و سَکّ پرێشانَ بنت، آ دێما چهرَ دئینت و پَشَل و شرمندگَ بنت.

زَبور 71:24

سجّهێن رۆچا تئیی آدلێن کارانی زِگرا کنان چیا که آ که منی آزار رسێنگئے لۆٹۆک اتنت، سرجهل و شرمسار بوتگ‌اَنت.

زَبور 80:4

او هُداوند! لشکرانی هُدا! تان کدێن هِژمئے آسا وتی کئومئے دْوایانی سرا گوارانَ بئے؟

زَبور 80:8

تئو انگورئے درچکے چه مِسرا گوَتک، تئو کئوم ڈنّا در کرتنت و اے درچک کِشت.

زَبور 94:17

اگن هُداوند منی کُمک مبوتێن، من زوتّ مَرکئے بێتئواریا بُکّتگ‌اتان.

دانیال 12:2

بازێنے که زمینئے هاکانی تها واب اِنت، جاهَ جنت، لهتێن په اَبدمانێن زِندا و لهتێن په پَشَلی و اَبدمانێن کَمشرپیا.