زَبور 148:14 - هُدائے پاکێن کتاب، بلۆچی زبانا

¹⁴ آییا کانٹے په وتی کئوما بُرز کرتگ، آییئے سجّهێن وپادارێن هزمتکارانی ستا، اِسراییلئے ستا، کئومے که گۆن آییئے دلا نزّیکّ اِنت. هُداوندا بنازێنێت، هَلّێلویا.

زَبور 148:14 Кръстосани препратки

زَبور 112:9

گۆن گریب و نێزگاران بێهساب بکشنده اِنت، آییئے پهرێزکاری تان اَبد برجم اِنت. آییئے کانٹ په شانے بُرز کنگَ بیت.

زَبور 145:10

او هُداوند! تئیی دستئے همُک کار تئیی شُگرا گیپت، تئیی وپادار ترا نازێننت.

زَبور 149:9

تانکه هما دادرسیا برجاه بکننت که اِشانی هلاپا نبشته کنگ بوتگ، اے، آییئے سجّهێن وپادارانی شان اِنت. هُداوندا بنازێنێت، هَلّێلویا.

زَبور 75:10

”سجّهێن بدکارانی کانٹانَ پرۆشان، بله پهرێزکارانی کانٹ بُرز دارگَ بنت.“

زَبور 89:17

چیا که تئو آیانی شان و شئوکت و آیانی واک و توان ائے و چه وتی مهربانیا مئے کانٹا سرپرازَ کنئے.

زَبور 89:18

بێشَکّ، مئے بادشاه هُداوندئیگ اِنت، مئے اِسپر، اِسراییلئے پاکێنئے.

زَبور 92:10

بله تئو منی کانٹ، وهشیێن گۆکئے کانٹئے پئیما بُرز داشتگ و منا سَپاێن رۆگن پِر مُشتگ.

لوکا 1:52

آییا، هُکمران چه وتی تَهتان سرشَکون و گریب، بُرز و سرپراز کرتگ‌اَنت.

لوکا 2:32

آ په دگه کئومان هُدائے بارئوا سرپد کنۆکێن رُژنے بیت و په تئیی بنی اِسراییلی کئوما پَهر و شانے.“

پِتْرُسئے ائولی کاگد 2:9

بله شما هُدائے گچێن کرتگێن بادشاهێن روهانیێن پێشوا و پاکێن کئوم اێت، هُدائے جندئے کئوم اێت و آییا شمارا چه تهاریا دێم په وتی پرشئوکتێن رُژناییا گْوانک جتگ تان آییئے مزنێن کاران جار بجنێت.