زَبور 144:1 - هُدائے پاکێن کتاب، بلۆچی زبانا

¹ هُداوندا ستا بات، منی تلارا، که منی دستان په جنْگا درَ کاریت و منی لنکُکان په مِڑَگا.

زَبور 144:1 Кръстосани препратки

زَبور 18:2

هُداوند منی تلار اِنت، منی کلات و منی رَکّێنۆک اِنت، منی هُدا منی تلار اِنت و هماییئے پُشتا باهۆٹ و مئیارَ بان. آ منی اِسپر اِنت، منی زۆراکێن رَکّێنۆک و منی سنگر.

زَبور 18:3

هُداوندا که ستا و سنائے لاهک اِنت تئوارَ کنان و چه وتی دژمنانَ رکّان.

زَبور 18:31

هُداوندا اَبێد، کئے هُدا اِنت و هُدایا اَبێد، کئے تلار؟

زَبور 18:34

منی دستان په جنْگا آزمودگَ کنت، تان باسکُن بْرنجێن کمانا بلپّێنیت و چۆٹ بکنت.

زَبور 18:35

تئو وتی سۆبێن بئیگئے اِسپرا منا بَکشئے و راستێن دستِت منی پُشت و پناه اِنت، تئیی نرم‌دلی و بێکبری منا مزنیَ دنت.

زَبور 60:12

گۆن هُدایا سۆبێنَ بێن، هما اِنت که مئے دژمنان پادمالَ کنت.

زَبور 71:3

منی پناه دئیگئے تلار بئے، که مُدام دێم په آییا بیایان. تئو په منی رَکّێنگا هُکم کرتگ، چیا که منی تلار و کلات تئو ائے.

زَبور 95:1

بیاێت هُداوندا په گَلے نازێنێن، په وتی نجاتئے تلارا په شادهی کوکّارَ کنێن.