زَبور 141:1 - هُدائے پاکێن کتاب، بلۆچی زبانا

¹ او هُداوند! ترا تئوارَ کنان، زوتّ په من بیا. وهدے ترا تئوارَ کنان، منی تئوارا گۆش دار.

زَبور 141:1 Кръстосани препратки

زَبور 143:1

او هُداوند! منی دْوایا گۆش دار منی پریات و زاریا بِشکن، په وتی وپاداری و اَدلئیگی منا پسئو بدئے.

زَبور 143:7

هُداوند! منا زوتّ پَسّئو دئے، منی روها دَم برتگ، وتی دێما چه من چێر مدئے، که همایانی پئیما بان که کَلّ و کبرا کپنت.

زَبور 22:19

بله تئو، او هُداوند! دور مبئے. او منی زۆر و تئوکل! په منی کُمکا اِشتاپ کن.

زَبور 28:2

منی پریات و زاریئے تئوارا گۆش دار، وهدے چه تئو مَدَتَ لۆٹان و وتی دستان دێم په تئیی پاکێن بارگاها بُرزَ کنان.

زَبور 40:13

او هُداوند! مهربانی کن و منا برَکّێن. هُداوندا! زوتّ په منی مَدَتا بیا.

زَبور 70:2

آ که منی کۆشئے رندا اَنت، سرجَهل و شرمسار باتنت، آ که منی بربادیا گَلَ بنت، پد بکنزات و رسوا باتنت.

زَبور 70:5

بله من سِتَم دیستگێن مهتاجے آن. او هُدا! دێم په من اشتاپ کن، تئو منی رَکّێنۆک و مَدَتکار ائے. او هُداوند! دێر مکن.

زَبور 71:12

او هُدا! چه من دور مبئے. او منی هُدا! منی مدتا اِشتاپ کن.