زَبور 116:6 - هُدائے پاکێن کتاب، بلۆچی زبانا

⁶ هُداوند ساده‌دلێن مردمانَ سمبالیت، من که وار و زار اتان، منا رَکّێنتی.

زَبور 116:6 Кръстосани препратки

زَبور 106:43

هُداوندا باز برا آزات کرتنت بله وتی شئور و هئیالانی تها سَرکَشّی‌اِش کرت و گناهانی تها بُکِّتنت.

زَبور 142:6

منی پریاتا گۆش دار که من مزنێن سکّی و سۆریان کپتگان. منا چه آ مردمان برکّێن که منی رندا کپتگ‌اَنت، چێا که چه من زۆرمندتر اَنت.

زَبور 19:7

هُداوندئے شَریَت تمان و بےائیب اِنت و جسم و جانا بۆدَ کاریت. هُداوندئے هُکم پُراِهتبار اَنت و کَمزانتان دانا و اَگلمند کنت.

زَبور 25:21

تچکی و راستی منی نگهپان بات، چیا که منی اُمێت تئو ائے.

زَبور 79:8

گوَستگێن نَسلانی گناهان مئے سرا مَلَڈّ، تئیی رهمت زوتّ مئے سرا بیایاتنت که سکّ وار و بزّگ اێن.

مَتّا 11:25

آ وهدا ایسّایا گوَشت: ”او منی پت، زمین و آسمانئے هُدابند! ترا ستا کنان و ساڑایان که تئو اے راز و هبر چه زانتکار و هۆشمندان چێر داتنت و کۆدکانی سرا پَدّر کرتنت.

پولُسئے کاگد په رومیان 16:19

شمئے پَرمانبرداریئے تئوار و آواز سجّهێنانی نیاما پرُشتگ و من چه شما شادمان آن، بله چه شما لۆٹان که په نێکێن کاران دانا و هۆشمند ببێت و چه سِلّێن کاران پاک و ساپ بمانێت.