زَبور 115:11 - هُدائے پاکێن کتاب، بلۆچی زبانا

¹¹ او هُداتُرسان! هُداوندئے سرا تئوکل کنێت، هما شمئے کُمکّ و اِسپَر اِنت.

زَبور 115:11 Кръстосани препратки

زَبور 103:11

چێا که همینکس که آسمان چه زمینا بُرز اِنت، آییئے مِهر په هما مردمان که هُدائے تُرسِش دلا اِنت همینکس باز اِنت.

زَبور 118:2

اِسراییل بگوَشات: ”آییئے مِهر اَبدمان اِنت.“

زَبور 118:4

هُداتُرس بگوَشاتنت: ”آییئے مِهر اَبدمان اِنت.“

زَبور 135:19

او اِسراییلیان! هُداوندا بنازێنێت. او هارونئے لۆگ! هُداوندا بنازێنێت.

زَبور 147:11

هُداوند همایانی سرا وشَّ بیت که چه آییا تُرسنت و سجّهێن اۆست و اُمێتِش گۆن آییئے مِهرا اِنت.

زَبور 22:23

شما، او هُداتُرسان! آییا بنازێنێت. او آکوبئے سجّهێن چُکّ و اۆبادگان! آییا اِزّت و شان بدئیێت. او اِسراییلئے پدرێچان! آییئے هئیبتا بچارێت.

زَبور 33:18

هئو! هُداوندئے چمّ گۆن همایان اِنت که چه آییا تُرسنت، گۆن همایان که اۆست و اُمێتِش آییئے مِهر اِنت،

کاسِدانی کار 10:35

کَسے که آییئے دلا هُداتُرسی ببیت و په تچکی و راستی کار بکنت، هُدائے بارگاه په آییا پَچ اِنت، تُرے چه هر کئومێا ببیت.

اِلهام 19:5

گڑا چه تَهتا تئوارے آتک، گوَشتی: ”مئے هُدائے تئوسیپا بکنێت، او آییئے سجّهێن هِزمتکاران، او سجّهێن هُداتُرسان، کَسان و مزن!“