زَبور 112:4 - هُدائے پاکێن کتاب، بلۆچی زبانا

⁴ په نێکدلان مان تهارۆکیا هم رُژنَ دْرپشێنیت، آ مهربان، رَهم کنۆک و آدل اِنت.

زَبور 112:4 Кръстосани препратки

زَبور 106:1

هُداوندا بنازێنێت، هَلّێلویا. هُداوندئے شُگرا بگرێت که نێک اِنت و مِهری اَبدمان.

زَبور 116:5

هُداوند مهربان و آدل اِنت، مئے هُدا، چه مِهر و رهما سررێچ.

زَبور 145:17

هُداوند وتی همُک راها آدل اِنت، وتی سجّهێن کاران وپادار.

زَبور 37:6

آ تئیی بێمئیاریا نورئے پئیما رۆشنَ کنت و دادرسیا چۆ بامگواهئے رُژناییا دْرپشان.

زَبور 97:11

نور په پهرێزکاران کِشگَ بیت و شادهی په نێکدلان.

لوکا 6:36

هما ڈئولا که شمئے آسمانی پت رَهمدل اِنت، شما هم رَهمدل ببێت.

یوهَنّا 12:46

رُژن من آن و اے جهانا پمێشکا آتکگان که هرکَس که منی سرا ایمان بیاریت تهارۆکیا ممانیت.

یوهَنّائے ائولی کاگد 2:29

اگن زانێت که آ راست و پاک اِنت، گڑا زانێت هرکَس که راستیئے راها رئوت چه هماییا پێدا بوتگ.

یوهَنّائے ائولی کاگد 3:10

هُدائے چُکّ و شئیتانئے چُکّ، همے پئیما زانگ و پَجّاه آرگَ بنت، آ کَس که راستیئے راها نرئوت، هُدائے چُکّ نه‌اِنت و اَنچُش آ کَس هم که گۆن وتی براتا مِهرَ نکنت.

یوهَنّائے ائولی کاگد 3:7

او چُکّان! بچارێت کَسے شمارا گُمراه مکنت. هرکَس راستیئے راها رئوت، راستێن مردمے، اَنچُش که آ، پاک و راست اِنت.