زَبور 107:40 - هُدائے پاکێن کتاب، بلۆچی زبانا

⁴⁰ هما که شَرپداران بێشَرپَ کنت، آیی زرت و بێراهێن گیابانان دَرپَدَر کرتنت.

زَبور 107:40 Кръстосани препратки

زَبور 107:4

لهتێن، جنگل و گیابانان سرگردان بوت و په چُشێن شهرێا راهے ندیستِش که جَهمنند ببنت.

زَبور 78:66

وتی دژمنی جت و پُشتا کنزێنت و اَبدی رُسواییێا دئور داتنت.

دَرگوَز 8:17

آیان اَنچُش کرت. هارونا وتی دست گۆن اَسایا شهار دات و زمینئے هاکی جتنت. سجّهێن مِسرا، زمینئے هاک بدل بوت و پَشّگ بوتنت و مردم و جانوَران پِر رِتکنت.

دَرگوَز 8:24

هُداوندا اَنچُش کرت. مَکِسکانی سِهر پِرئون و آییئے هِزمتکارانی لۆگان پِر رِتکنت. مَکِسکان سجّهێن مِسر تباه کرت.

دَرگوَز 8:3

نیلّئے کئور چه پُگُلا پُرَّ بیت. پُگُل چستَ بنت و تئیی لۆگا کاینت، تئیی وابجاها پُتِرنت و تَهتا سرَ کپنت، تئیی هِزمتکار و مردمانی لۆگان هم کاینت، تئیی تَرون و آرت تَرّ کنگئے دَرپانی تها دئورَ کننت.

دَرگوَز 8:4

پُگُل تئیی جند و تئیی مردم و تئیی سجّهێن هِزمتکاران پِرَ رِچنت.“‘“

دانیال 4:33

هما دمانا گۆن نِبوکَدنِزَرا اَنچُش بوت که گوَشگ بوتگ‌اَت. آ چه انسانان گلّێنگ بوت، پس و گۆکانی ڈئولا کاه و بوچّیَ وارت، آییئے جسم چه آسمانئے نۆدا تَرَّ بوت، تانکه آییئے مود وَکابئے پُٹانی وڑا رُستنت و ناکُنی مُرگئے پنجگانی ڈئولا بوتنت.

کاسِدانی کار 12:23

هما دمانا، هُداوندئے پرێشتگێا آ جت، چێا که آییا هُدا ستا نکرتگ‌اَت. جسمی کِرم گپت و مُرت.

اِلهام 19:18

تانکه شما بادشاهانی گۆشت، سالارانی گۆشت، پُرواکێن مردمانی گۆشت، اسپ و اسپ‌سوارانی گۆشت، سجّهێن مردمانی گۆشت، آزات و گُلامانی و کَسان و مزنێنانی گۆشتا بوَرێت.“