په پیلیپیان پولُسئے کاگد 3:5 - هُدائے پاکێن کتاب، بلۆچی زبانا

⁵ من پێدا بئیگئے هشتمی رۆچا سُنّت کنگ بوتگان. پێدائِشی اِسراییلیے آن. چه بِنیامینئے کَبیلها آن. چه هَپت پُشتا اِبرانیے آن. اگن شَریَتئے گپّ اِنت، پَریسیے آن.

په پیلیپیان پولُسئے کاگد 3:5 Кръстосани препратки

پێدایش 14:13

یکّ مردمے تتک و اِبرانیێن اِبرامئے کِرّا آتک و اے هالی دات. اے وهدا اِبرام، اَموریێن مَمرِهئے مزنێن درچکانی نزّیکّا نِشتگ‌اَت. اَموریێن مَمرِه، اِشکول و آنِرئے برات اَت. اِشانی و اِبرامئے نیاما اَهد و پئیمانے هست‌اَت.

پێدایش 17:12

آیۆکێن نَسل و پَدرێچانی تها، شمئے نیاما هَمُک هَشت رۆچیگێن مردێن‌چُکّ باید اِنت سُنّت کنگ ببیت، تهنا شمئے جندئے لۆگئے چُکّ نه، هما زَرهریدێن گُلام‌چُکّ هم که شمئے نَسل و پَدرێچ نه‌اَنت و شما چه ڈنّی مردمان په بها زُرتگ‌اَنت، آ هم سُنّت کنگ ببنت.

پێدایش 40:15

من چه اِبرانیانی مُلکا دُزّگ و اِدا آرگ بوتگان و اِدا هم من چُشێن کارے نکرتگ که اے سیَه‌چاتا دئور دئیگ ببان.“

پێدایش 41:12

اۆدا گۆن ما اِبرانی وَرناے بند اَت. نِگهپانانی مسترئے هِزمتکارے اَت. ما گۆن آییا وتی وابئے کِسّه کرتنت و آییا مانا کرت و داتنت. دوێنان وتی وابانی مانا رست.

لوکا 1:59

وهدے نُنُّکا هَشت رۆچ بوت، په آییئے سُنّت کنگا آتکنت. آیان نُنُّکئے نام پتئے نامئے سرا، زَکَریا پِر بندگی اَت.

لوکا 2:21

هشتمی رۆچا، وهدے نُنُّکئے سُنّت کنگئے وهد آتک، آییئے نامِش ایسّا پِر بست، هما نام که ماتئے لاپا کپگا پێسر، پرێشتگا پِر کرتگ‌اَت.

لوکا 5:38

نۆکێن شراب، باید اِنت نۆکێن زِکّا مان رێچگ ببیت.

کاسِدانی کار 22:3

”من یَهودیے آن و منی پێدائِشئے جاگه، کیلیکیَهئے دَمگا، تَرْسوسئے شهر اِنت، بله منی رُست و رُدۆم همِدا اورشَلیما بوتگ. گامالیَل منی استاد بوتگ و مئے پت و پیرُکانی سَرجمێن شَریَت من چه هماییا در برتگ. په هُدا و آییئے رَزایا باز واهگدار و هُدۆناک بوتگان، اَنچُش که مرۆچی شما هُدۆناک اێت.

کاسِدانی کار 23:6

پولُس سهیگ اَت که سرۆکانی دیوانئے لهتێن باسک، سَدوکی و لهتێن پَریسی اَنت، پمێشکا آییا په بُرزتئواری دَرّاێنت: ”او براتان! من پَریسیے آن و منی پت و پیرُک هم پَریسی بوتگ‌اَنت، مرۆچی اے هَکدیوانئے دێما پمێشکا اۆشتارێنگ بوتگان که منی باور و اُمێت اِنت که هُدا مُردگان پدا زندگَ کنت.“

کاسِدانی کار 6:1

هما رۆچان که مرید گێشا چه گێشتر بئیان اَتنت، یونانی یَهودی چه اِبرانی یَهودیان گِلگدار اَتنت که هر رۆچیگێن وَرد و وراکئے بهر کنگا، آیانی جنۆزامان چیزّے نرسیت.

پولُسئے کاگد په رومیان 11:1

نون جُستَ کنان، هُدایا وتی کئوم دئور داتگ و یله کرتگ؟ هچبر! چێا که من وت هم اِسراییلیے آن، چه اِبراهێمئے نَسل و پَدرێچا آن و بِنیامینئے کَبیلها.