مَرکاس 14:44 - هُدائے پاکێن کتاب، بلۆچی زبانا

⁴⁴ یَهودایا آیانا اے نشانی داتگ‌اَت: ”هماییا که منَ چُکّان، ایسّا هما اِنت. آییا دَزگیر کنێت و گۆن مُهر و مُهکمێن نِگهپانیے ببرێت.“

مَرکاس 14:44 Кръстосани препратки

دَرگوَز 12:13

لۆگان پِر مُشتگێن اے هۆن شمئے نِشانیَ بیت که اِدا شما اێت. من اے هۆنان که گِندان، چه شما سرَ گوَزان و وهدے مِسرا تباهیئے کَهرے دئورَ دئیان، اے کَهر شمئے سرا نکپیت.

مَتّا 26:46

پاد آێت برئوێن. آ که منا دْرۆهیت، پێداک اِنت.“

مَرکاس 14:43

ایسّا اَنگت هبرا اَت که چه دوازدهێن مریدان یکّے، بزان یَهودا، آتک و رَست. آییا رُمبے مردم همراه اَت که زَهم و لَٹِّش گۆن اَت. اے رُمب، چه مزنێن دینی پێشوا، شَریَتئے زانۆگر و کئومئے کماشانی نێمگا راه دئیگ بوتگ‌اَت.

مَرکاس 14:45

گڑا، یَهودا تچکاتچک ایسّائے کِرّا آتک و گوَشتی: ”او استاد!“ رَندا، ایسّایی چُکِّت.

کاسِدانی کار 16:23

چه بازێن لَٹّ و کُٹّا رند، بَندیجاها برت و بندِش کرتنت. بَندیجاهئے نِگهپانِش پرمان دات که آیانی نِگهپانیا شَرّ دلگۆش بکنت.

په پیلیپیان پولُسئے کاگد 1:28

هچّ پئیما چه دژمن و بَدواهانَ نتُرسێت. اے په آیان نشانیے که بربادَ بنت و شما رَکّێت که شمئے رَکّگ چه هُدائے نێمگا اِنت.

په تِسالونیکیان پولُسئے دومی کاگد 3:17

منِ پولُس اے سلامان دستِ وت نبشته کنگا آن و اے چیزّ منی سجّهێن کاگدانی نشانی اِنت. من همے پئیما نبشتهَ کنان.