مَرکاس 10:24 - هُدائے پاکێن کتاب، بلۆچی زبانا

²⁴ آییئے مرید چه اے هبران هئیران بوتنت. ایسّایا پدا گوَشت: ”او منی چُکّان! هُدائے بادشاهیا پاد اێر کنگ، سکّ گران اِنت.

مَرکاس 10:24 Кръстосани препратки

زَبور 17:14

هُداوندا! منا چه اے پئیمێن مردمانی دستا آزات کن، چه اے دنیائے مردمان که نسیبِش تهنا همے دنیا اِنت و بسّ، که لاپانِش چه وتی هزانگا سێرَ کنئے، چُکِّش بازَ بنت و آیانی پَشت کپتگێن چیزّ په چُکّانِشَ رسیت.

زَبور 52:7

”هئو! اِش اِنت آ کَس که هُدایی وتی کلات نکرت. تئوکَلی وتی بازێن مال و دئولتئے سرا بست و وتی برباد کنگا توانا بوت.“

زَبور 62:10

په زُلم و زۆرا تئوکل مکنێت و په دُزّیا اُمێت مبندێت، هرچُنت که شمئے مال گێشترَ بیت، په آییا دل مبندێت.

مَتّا 19:25

اے هبرئے اِشکنگا، مرید سکّ هئیران بوتنت و وت‌مان‌وتا گوَشتِش: ”گڑا کئے رَکّتَ کنت؟“

مَرکاس 1:27

مردمان په هئیرانی وت‌مان‌وتا گوَشت: ”اے چۆنێن هبرے؟ گوَشئے نۆکێن تالیمے، گۆن چُشێن واک و اِهتیارے که جِنّان هم هُکمَ دنت و جِنّ هم آییئے هبرا مَنّنت.“

مَرکاس 10:23

ایسّایا چارێن نێمگان چارت و گۆن وتی مریدان گوَشتی: ”په مالدارێن مردمان، هُدائے بادشاهیا پاد اێر کنگ سکّ گران اِنت.“

لوکا 16:14

پَریسی که وت زَرپرست اَتنت، گۆن اے هبرانی اِشکنگا، ایسّااِش کَلاگ گپت و ریشکند کرت.

یوهَنّا 13:33

او منی چُکّان! اَنگت تان گوَنڈێن وهدێا من گۆن شما گۆن آن. رَندا شما منی شۆهازا گردێت. هما ڈئولا که من گۆن یَهودیان گوَشت، گۆن شما هم گوَشان: آ جاها که منَ رئوان، شما آتکَ نکنێت.

یوهَنّا 21:5

ایسّایا گۆن آیان گوَشت: ”چُکّان! شمارا ماهیگ گۆن نێست؟“ آیان پَسّئو دات: ”نه.“

یوهَنّا 6:60

اے هبرانی اِشکنگا رند آییئے بازێن مُریدێا گوَشت: ”اے گرانێن هبرے، اِشیا کئے مَنِّتَ کنت؟“

په گَلاتیان پولُسئے کاگد 4:19

منی چُکّان! من پدا په شما چِلّگی دردان آن، تان هما وهدا که پکّا زاهر ببیت که مَسیه شمئے دل و درونا نِشتگ.

په تیموتاووسا پولُسئے ائولی کاگد 6:17

هما مردم که اے دنیایا هستۆمند اَنت، آیان هُکم بدئے که گُروناک مبێت و وتی اُمێتا گۆن وتی مال و هستیا مبندێت که مال و هستیَ کئیت و رئوت. وتی اُمێتا هُدائے سرا ببندێت که گۆن دَسپَچی مارا اَلکاپ و پراوانێن زندے دنت.

یوهَنّائے ائولی کاگد 2:1

او منی دُردانگێن چُکّان! اے چیزّان په شما نبیسان که شما گناه مکنێت، بله اگن کَسێا گناهے کرت، دێمپانے هست که پتئے کِرّا په مئے رَکّێنگا هبرَ کنت، هما پاک و آدلێن ایسّا مَسیه.

یوهَنّائے ائولی کاگد 4:4

او دُردانگێن چُکّان! شما چه هُدایا اێت و آیانی سرا بالادست بوتگێت، چێا که آ که شمئے دلا اِنت چه آییا مستر اِنت که دنیایا اِنت.

یوهَنّائے ائولی کاگد 5:21

او دُردانگێن چُکّان! وتا چه بُتان دور بدارێت و بپهرێزێت.

اِلهام 3:17

تئو گوَشئے که ”من هستۆمند آن، من مال و دئولت کَٹّتگ و منا هچّ چیزّئے زلورت نه‌اِنت،“ بله تئو سرپد نه‌ائے که بدهال، بزّگ، نێزگار، کۆر و جاندر ائے.