مَتّا 4:3 - هُدائے پاکێن کتاب، بلۆچی زبانا

³ گڑا شئیتان په آییئے چَکّاسگا آتک و گوَشتی: ”اگن تئو هُدائے چُکّ ائے، اے سِنگان بگوَش نگن ببنت.“

مَتّا 4:3 Кръстосани препратки

دَرگوَز 16:3

اِسراییلیان گوَشت: ”دْرێگتا ما مِسرا هُداوندئے دستا بمُرتێنێن. اۆدا وَه ما گۆشتئے دێگانی کِرّا نِشتگ‌اَتێن و دِلئے سێرا نانَ وارت. بله شما مارا اے گیابانا آورت که اے سجّهێن مهلوکا چه شُدا بکُشێت.“

مَتّا 14:33

هما که بۆجیگا نِشتگ‌اَتنت، ایسّااِش ستا و سنا کنانا گوَشت: ”بێشکّ تئو هُدائے چُکّ ائے.“

مَتّا 16:16

شَمون پِتْرُسا پَسّئو دات: ”تئو مَسیه ائے، نمیرانێن هُدائے چُکّ.“

مَتّا 26:63

بله ایسّایا پَسّئو ندات. مسترێن دینی پێشوایا پدا گۆن آییا گوَشت: ”من ترا نمیرانێن هُدائے سرا سئوگندَ دئیان، مارا بگوَش، بارێن، تئو هما مَسیه، هُدائے چُکّ ائے؟“

مَتّا 3:17

چه آسمانا تئوارے آتک: ”اے منی دۆستێن بَچّ اِنت و من چه اِشیا باز وشّ و رَزا آن.“

مَرکاس 1:1

ایسّا مَسیه، هُدائے چُکّئے وشّێن مِستاگئے بُنگێج و شروهات.

مَرکاس 3:11

همایان که جِنّ پِر اَت، وهدے ایسّااِش دیست آییئے پادان کپتنت، کوکّارِش کرت و گوَشتِش: ”تئو هُدائے چُکّ ائے.“

مَرکاس 5:7

گۆن کوکّار و چیهالێا گوَشتی: ”ایسّا، او مَزَن‌شانێن هُدائے چُکّ! ترا گۆن من چِه کار اِنت؟ ترا هُدائے سئوگند اِنت، منا اَزاب مدئے.“

لوکا 1:35

پرێشتگا پَسّئو دات: ”هُدائے پاکێن روه تئیی سرا اێرَ کئیت و بُرزێن اَرشئے هُدائے زۆر و کدرت تئیی سرا ساهێلَ بیت. پمێشکا آ، پاک و هُدائے چُکّ زانگَ بیت.

لوکا 22:70

آ وهدا سجّهێنان گوَشت: ”اَچه، تئو هُدائے چُکّ ائے؟!“ پَسّئوی دات: ”شما وت گوَشگا اێت که من هما آن.“

لوکا 4:3

شئیتانا گوَشت: ”اگن تئو هُدائے چُکّ ائے، گڑا اے سِنگا بگوَش نگنے ببیت.“

لوکا 4:41

جِنّ، چه بازێن مردمان در آتکنت و کوکّار کنان گوَشتِش: ”تئو هُدائے چُکّ ائے،“ چێا که آیان زانتگ‌اَت، آ هُدائے هما گچێن کرتگێن مَسیه اِنت. بله ایسّایا هکّل دئیان بێتئوار کرتنت.

لوکا 4:9

رَندا، شئیتانا ایسّا اورشَلیما برت، مزنێن پرستشگاهئے دیوالئے بُرزترێن جاگها اۆشتارێنت و گوَشتی: ”اگن تئو هُدائے چُکّ ائے گڑا وتا چه اِدا جَهلاد دئور بدئے.

یوهَنّا 1:34

من اے چیزّ دیستگ و گواهیَ دئیان که آ هُدائے چُکّ اِنت.“

یوهَنّا 1:49

نَتْناییلا گوَشت: ”او استاد! تئو هُدائے چُکّ ائے، تئو اِسراییلئے بادشاه ائے.“

یوهَنّا 20:31

بله اے چیزّ نبیسگ بوتگ‌اَنت تانکه شما باور بکنێت که ایسّا، مَسیه اِنت و هُدائے چُکّ اِنت. اے هاترا هم نبیسگ بوتگ‌اَنت که شما چه ایمانئے راها، آییئے نامئے برکتا اَبدمانێن زِندئے واهند ببێت.

یوهَنّا 9:35

وهدے ایسّایا اِشکت که بینا بوتگێن مردِش گلّێنتگ، آ مردی در گێتک و گوَشتی: ”ترا انسانئے چُکّئے سرا ایمان هست؟“

کاسِدانی کار 9:20

شاوول، همۆدا یَهودیانی کَنیسَها شت و جاریَ جت که ایسّا هُدائے چُکّ اِنت.

په گَلاتیان پولُسئے کاگد 2:20

من مَسیهئے همراهیا سَلیب کشّگ بوتان. نون اے مردم که زندگ اِنت، اے من نه‌آن، مَسیه اِنت که منی تها زندگ اِنت. اے جسمی زندگی که منا هست‌اِنت، منا هُدائے چُکّئے سرا باور کنگئے سئوَبا هست‌اِنت که هماییا منا دۆست داشتگ و وتی جندی په من نَدر کرتگ.

په تِسالونیکیان پولُسئے ائولی کاگد 3:5

پمێشکا، وهدے من گێشتر سَگِّت نکرت، په شمئے ایمانئے هالئے گِرگا یکّے دێمُن دات. منا ترست که بلکێن چَکّاسۆکێن شئیتانا وڑے نه وڑێا شمارا چَکّاسا دئور داتگ و مئے جُهد مُپت و ناهودگ بوتگ.

یوهَنّائے ائولی کاگد 3:8

آ که گناهَ کنت شئیتانئے چُکّ اِنت پرچا که شئیتان چه بُنگێجا گناه کنان اِنت. هُدائے چُکّ پمێشکا پَدَّر بوت که شئیتانئے کاران بپرۆشیت و زئوال بکنت.

اِلهام 2:10

چه آیۆکێن آزاران متُرس. بچار، شئیتان چه شما لهتێنا په شمئے چکّاسگا زندانا کنت و تئو تان ده رۆچا آزار دئیگَ بئے. تان مرکئے ساهتا وپادار بئے و من ترا زِندئے تاجا دئیان.