مَتّا 28:7 - هُدائے پاکێن کتاب، بلۆچی زبانا

⁷ اِشتاپیا برئوێت و آییئے مریدان سهیگ کنێت که آ چه مُردگان زندگ بوتگ و چه شما پێسر جَلیلا رئوت، همۆدا آییا گِندێت. نون من شمارا هال دات.“

مَتّا 28:7 Кръстосани препратки

مَتّا 24:25

من چه اے جاورانی بئیگا پێسر شمارا هال داتگ.

مَتّا 26:32

بله زندگ بئیگ و جاه جنَگا رَند، چه شما پێسر جَلیلا رئوان.“

مَتّا 28:10

ایسّایا گۆن آیان گوَشت: ”متُرسێت! برئوێت منی براتان بگوَشێت که جَلیلا برئونت، همۆدا منا گِندنت.“

مَتّا 28:8

گڑا جنێن په تُرس و هم گۆن وشّی چه کبرئے سرا تچان بوت و شتنت تان اے هالا مریدان سر بکننت.

مَرکاس 14:28

بله زندگ بئیگ و جاه جنَگا رَند، چه شما پێسر جَلیلا رئوان.“

مَرکاس 16:10

آ شت و همایانا هالی دات که ایسّائے همراه بوتگ‌اَتنت و نون گرێوان و مۆتک آران اَتنت.

مَرکاس 16:13

آ، پدا آتکنت و اے دگه مریدِش هال داتنت، بله آیان هم باور نکرت.

لوکا 24:34

که گوَشگا اَتنت: ”اے راست اِنت که هُداوندا جاه جتگ و په شَمونا زاهر بوتگ!“

یوهَنّا 14:29

من همے هبر چه اے کارئے بئیگا پێسر کرت که وهدے چُشَ بیت، ایمان بیارێت.

یوهَنّا 16:4

من اے هبر گۆن شما پمێشکا کرتنت که وهدے چُشَ بیت، گڑا شما هئیالا بکپێت که من شمارا چے گوَشتگ. من اے هبر ائولا گۆن شما نکرتنت، چێا که من وت گۆن شما گۆن اَتان.