مَتّا 26:35 - هُدائے پاکێن کتاب، بلۆچی زبانا

³⁵ بله پِتْرُسا گوَشت: ”اگن گۆن تئو منی سر هم برئوت، چه تئیی پَجّاه آرگا هچبرَ نبجّان.“ اے دگه سجّهێن مریدان هم اَنچُش گوَشت.

مَتّا 26:35 Кръстосани препратки

دَرگوَز 19:8

سجّهێن مهلوکا همتئواریا چۆ پَسّئو دات: ”هرچے هُداوندا گوَشتگ، ما اَنچُشَ کنێن.“ موسّایا مهلوکئے پَسّئو هُداوندئے کِرّا برت.

مَتّا 10:33

بله هرکَس مردمانی دێما منا ممَنّیت، من هم وتی آسمانی پتئے دێما آییا نمَنّان.

یوهَنّا 13:37

پِتْرُسا گوَشت: ”او هُداوند! انّون پَرچا گۆن تئو آتکَ نکنان؟ من وتی ساها په تئو نَدرَ کنان.“

پولُسئے کاگد په رومیان 11:20

راست اِنت. آ ٹال سِندگ بوتنت که ناباور اَتنت، بله تئو چه باورا اۆشتاتگ و مُهر ائے. گُروناک مبئے و په تُرس زِند بگوازێن.

په پیلیپیان پولُسئے کاگد 2:12

پمێشکا منی دُردانَگان! اَنچُش که شما مُدام پرمانبردار بوتگێت، نه تهنا آ وهدا که من شمئے کرّا اَتان، اَنّون هم که من اۆدا نه‌آن، اَنگت گێشتر پرمانبردار اێت. گڑا په تُرس و لَرز وتی نجاتئے رُست و رُدۆمئے جُهدا بکنێت.

پِتْرُسئے ائولی کاگد 1:17

اگن شما هُدایا وتی پتَ گوَشێت، که آ هرکَسئے دادرسیا بے رو و ریا، آییئے کارانی هسابا کنت، گڑا وتی دَرانڈهیئے وهد و پاسان په شرپ و اِزّت گۆن هُداتُرسی بگوازێنێت.