مَتّا 25:4 - هُدائے پاکێن کتاب، بلۆچی زبانا

⁴ داناێن جنکّان چِراگان و اَبێد، ٹێلدانانی تها هم گۆن وت ٹێل برت گۆن.

مَتّا 25:4 Кръстосани препратки

زَبور 45:7

تئو پاکی و راستی دۆست داشتگ و چه بدیا نَپرَت کرتگ، پمێشکا هُدایا، تئیی هُدایا، ترا گێشتر چه تئیی همراهان شادهیئے رۆگن پِر مُشتگ.

مَتّا 10:16

گۆش دارێت! من شمارا رئوانَ کنان، بله شما اَنچُشَ بێت که گُرکانی نیاما پَس. پمێشکا مارانی ڈئولا هُژّار و کپۆدرانی ڈئولا ساده ببێت.

مَتّا 25:2

چه آیان پنچ نادان اَتنت و پنچ دانا.

مَتّا 25:3

نادانێن جنکّان وتی چِراگ زرتنت بله گۆن وت ٹێلِش نبرت گۆن.

مَتّا 25:5

سالۆنکا آیگا دێر کرت، پمێشکا آ سجّهێن کۆچَنڈان واب کپتنت.

مَتّا 7:24

پمێشکا، هرکَس که منی اے هبرانَ اِشکنت و آیانی سرا کارَ کنت، هما زانتکار و هۆشمندێن مردمئے پئیما اِنت که وتی لۆگی تَلارئے سرا بست.

یوهَنّا 3:34

آ کَس که چه هُدائے نێمگا رئوان دئیگ بوتگ، هُدائے هبرانَ کنت، چێا که هُدا وتی روها آییارا بێهسابَ بَکشیت.

پولُسئے کاگد په رومیان 8:9

بله شما گُنهکارێن سَرِشتئے دستا نه‌اێت، روهئے دستا اێت، پرچا که هُدائے روه شمئے دلا نِشتگ. اگن کَسێا مَسیهئے روه گۆن مبیت، آ مَسیهئے نه‌اِنت،

یوهَنّائے ائولی کاگد 2:20

بله ”آ پاکێنا“ شمارا ”رۆگن پِر مُشتگ“ و شما سجّهێن چیزّانَ زانێت.

یوهَنّائے ائولی کاگد 2:27

بله شما چه آییئے نێمگا ”رۆگن پِر مُشگ“ بوتگێت و اے ”پِر مُشگ“ شمئے دلا مانیت. شمارا زلورت نێست کَسے شمارا درس و سَبکّ بدنت، چێا که چه هُدائے نێمگا، ”رۆگن پِر مُشگ“ وت شمارا سجّهێن چیزّان سَبکَّ دنت. اے ”رۆگن پِر مُشگ“ راست اِنت و درۆگێنے نه‌اِنت. هما پئیما هُدائے اَرواه و جَبینا بمانێت که شمارا تالیمی داتگ.

یَهودائے کاگد 1:19

اے، دنیایی مردم اَنت، چه هُدائے روها زِبهر اَنت و جتایی دئورَ دئینت.