مَتّا 23:19 - هُدائے پاکێن کتاب، بلۆچی زبانا

¹⁹ او کۆرێن مردمان! کجام چیزّئے دَرجت بُرزتر اِنت، کُربانیگئے یا کُربانجاهئے؟ کُربانیگ پمێشکا پاک و پَلگار زانگَ بیت که کُربانجاها کُربانیگ کنگَ بیت.

مَتّا 23:19 Кръстосани препратки

دَرگوَز 29:37

هپت رۆچا کَپارَت بدئے و کُربانجاها پاک و پَلگار کن. نون کُربانجاه چه پاکا پاکترَ بیت و هر چیزّے که گۆن اِشیا ڈُکّ بلَگّیت، پاکَ بیت.

دَرگوَز 30:29

اِشان وَپْک کن که چه پاکا پاکتر ببنت. هر چیزّ که گۆن اِشان ڈُکّ بلگّیت، پاکَ بیت.

مَتّا 23:17

او کَمزانتێن کۆران! کجام چیزّئے دَرجت بُرزتر اِنت، تَنگئو و تلاهانی یا پرستشگاهئے؟ تلاه و تَنگئو، پمێشکا پاک و پَلگار اَنت که پرستشگاها اێر اَنت.

مَتّا 23:18

شما چُش هم گوَشێت که ’اگن کَسے کُربانجاهئے سئوگندا بوارت هچّ پرواه نێست، بله اگن کَسے کُربانجاهئے کُربانیگئے سئوگندا بوارت، گڑا باید اِنت وتی سئوگندا پوره بکنت.‘

مَتّا 23:20

پمێشکا کَسے که کُربانجاهئے سئوگندا وارت، بزان کُربانجاه و کُربانیگ کرتگێن سجّهێن چیزّانی سئوگندا وارت.