مَتّا 22:24 - هُدائے پاکێن کتاب، بلۆچی زبانا

²⁴ ”او استاد! موسّایا گوَشتگ: ’اگن کَسے بے پُشپَدا بمریت، باید اِنت آییئے برات گۆن آییئے جنۆزاما سور بکنت، تان په وتی براتا رَند و راهے بِلّیت.‘

مَتّا 22:24 Кръстосани препратки

پێدایش 38:11

گڑا یَهودایا گۆن وتی نِشار تامارا گوَشت: ”تانکه منی چُکّ شێلا کَسان اِنت، وتی پتئے لۆگا جنۆزامی بنند.“ آییا وتی دلا هئیال کرت: ”چُش مبیت که شێلا هم وتی براتانی پئیما بمریت.“ گڑا تامار شت و وتی پتئے لۆگا نِشت.

پێدایش 38:8

گڑا یَهودایا گۆن اۆنانا گوَشت: ”وتی براتئے جَنۆزاما بگر و گۆن آییا یکجاه بئے. وتی براتی پَرزا پوره کن و په وتی براتا پَدرێچے پێدا کن،“

مَتّا 22:16

نون لهتێن شاگردِش گۆن هیرودیانی همراهیا آییئے کِرّا رئوان دات تان بگوَشنت: ”او استاد! ما زانێن که تئو تچک و راستێن مردمے ائے و هُدائے راها په راستیا سۆجَ دئیئے و هچکَسێئے نێمگا نگرئے، چێا که سجّهێنان په یکّ چمّێا چارئے.

مَتّا 22:25

مئے نێمگا هپت برات هست‌اَت. ائولی براتا سور کرت، بے چُکّا مُرت و وتی جنی په آ دگه براتا اِشت.

مَتّا 22:36

”او استاد! شَریَتئے مسترێن هُکم کجام اِنت؟“

مَتّا 7:21

هما که منا ’هُداوند، هُداوندَ‘ گوَشنت، په آ سجّهێنان آسمانی بادشاهیئے دروازگ پَچَ نبیت، تهنا هما شتَ کنت که منی آسمانی پتئے واهگ و رزائے سرا کارَ کنت.

لوکا 20:28

جُستِش کرت: ”او استاد! موسّایا په ما نبشتگ: اگن کَسێئے سور کرتگێن براتے بے چُکّا بمریت و جنۆزامی زندگ ببیت، گڑا آییئے برات باید اِنت گۆن آ جنۆزاما سور بکنت تانکه چُکّ و رَند و راهے په وتی براتا بِلّیت.

لوکا 20:33

نون تئو بگوَش، آهِرتئے رۆچا، اے جنێن، کجام براتئیگَ بیت، چێا که هر هپتێن براتان باریگ باریگا گۆن آییا سور کرتگ‌اَت.“

لوکا 6:46

وهدے شما منی هبرانی سرا کارَ نکنێت، گڑا چێا منا ’هُداوند، هُداوندَ‘ گوَشێت؟