مَتّا 21:10 - هُدائے پاکێن کتاب، بلۆچی زبانا

¹⁰ وهدے ایسّا اورشَلیما رَست گڑا شۆر و وَلوَلَهے مَچِّت. شهرئے مردم جُستا اَتنت که ”اے کئے اِنت؟“

مَتّا 21:10 Кръстосани препратки

مَتّا 2:3

چه اے هبرئے اِشکُنگا، هیرودیس بادشاه و اورشَلیمئے سجّهێن مردم باز پرێشان و دِلتپرکه بوتنت.

مَتّا 21:11

مُچّیئے مردمان پَسّئو دات: ”اے هما نبی اِنت، ایسّا که جَلیلئے شهر ناسِرَهئے نندۆکے.“

مَتّا 21:9

ایسّائے پێش‌رُمب و پدرُمبێن مردم، کوکّار کنانا گوَشگا اَتنت: ”هوشیانا، او داوود بادشاهئے چُکّ! مبارک بات هما که په هُداوندئے ناما کئیت، هوشیانا، بُرزین اَرشا.“

لوکا 20:2

گوَشتِش: ”مارا بگوَش که تئو گۆن کجام هَکّ و اِهتیارا اے کارانَ کنئے؟ کئیا ترا اے کارانی اِهتیار داتگ؟“

لوکا 5:21

چه ایسّائے اے هبرا، پَریسی و شَریَتئے اے دگه زانۆگر، که اۆدا نِشتگ‌اَتنت، پِگر کنگا اَتنت: ”اے کئے اِنت که کُپرَ کنت؟! اَبێد چه هُدائے جندا، دگه کَسّ گناهان پهِلّ کرت و بَکشتَ نکنت.“

لوکا 7:49

بله اے دگه مهمان گۆن یکدگرا گوَشگا لگّتنت: ”اے کئے اِنت که مردمانی گناهان هم پهِلَّ کنت؟“

لوکا 9:9

گڑا هیرودیسا گوَشت: ”یَهیائے سر وه من بُرِّتگ، نون اے کئے اِنت که آییئے بارئوا من اے ڈئولێن هال اِشکنگا آن؟“ آ په ایسّائے گِندگا هُدۆناک اَت.

یوهَنّا 2:18

گڑا یَهودیان گوَشت: ”تئو گۆن چۆنێن مۆجزه و اَجَبَّتێن نشانیے سابتَ کنئے که ترا اے کارانی اِجازت هست‌اِنت؟“

کاسِدانی کار 9:5

شاوولا جُست کرت: ”او واجه! تئو کئے ائے؟“ پَسّئوی دات: ”من ایسّا آن، هما که تئو آییا آزارَ دئیئے.