مَتّا 17:27 - هُدائے پاکێن کتاب، بلۆچی زبانا

²⁷ بله په آیانی نرنجێنگا، مَزَن‌گوَرمئے تئیابا برئو و نَهیگے آپا دئور بدئے، هما ماهیگ که پێسرا نهیگا جنت، آییئے دپا پَچ کن، تئو یکّ چارکلداری زَرّے گندئے، هماییا بزور، منیگ و وتی سُنگا پُرّ کن.“

مَتّا 17:27 Кръстосани препратки

پێدایش 1:28

هُدایا آ، برکت دات و گوَشتنت: ”چُکّ و بَر کنێت، باز ببێت و زمینا پُرّ کنێت و زمینئے سرا هاکمی بکنێت. دریائے ماهیگ، آسمانئے مُرگ و زمینئے سجّهێن سُرِندَهانی سرا هاکمی بکنێت.“

زَبور 8:8

آسمانئے بالی مُرگ و دریائے ماهیگ و هر چے که چه زِرئے راها گوَزیت.

مَتّا 17:26

پَسّئوی تَرّێنت: ”چه دگران.“ ایسّایا گوَشت: ”گڑا چُکّ بَکشگَ بنت.

مَتّا 18:6

هرکَس، چه اے کسانُکێنان که منی سرا باوَرمند اَنت یکّێا دێم په گناها ببارت، په آییا گِهتر اِنت که جِنتری تاے آییئے گردنا ببندنت و دریائے جُهلانکیان چَگل بدئینت.

مَتّا 18:8

اگن تئیی دست یا پاد ترا دێم په گناها ببارت، آییا بُرّ و دئور دئے، چێا که گۆن دوێن دست و پادان دۆزهئے دائِمی آسا کپگئے بدلا، په تئو شرتر همِش اِنت که لَنگ و مُنڈ، نمیرانێن زِندئے واهند ببئے.

مَتّا 5:29

پمێشکا اگن تئیی راستێن چمّ ترا دێم په گناها ببارت، آییا کَشّ و دئور بدئے، چێا که چه سَرجمێن جانئے دۆزها کپگا په تئو شرتر همِش اِنت که تئیی جسمئے یکّ بند و بۆگے چه تئو جتا ببیت.

مَتّا 5:30

همے ڈئولا، اگن تئیی راستێن دست ترا دێم په گناها ببارت، گڑا آییا بُرّ و دئور بدئے، چێا که چه سَرجمێن جانئے دۆزها رئوگا په تئو شرتر اِش اِنت که تئیی جسمئے یکّ بند و بۆگے چه تئو جتا ببیت.

مَرکاس 9:42

هرکَس، چه اے کسانُکێنان که منی سرا باوَرمند اَنت یکّێا دێم په گناها ببارت، په آییا گهتر اِنت که جِنتری تاے آییئے گردنا ببندنت و دریایا چَگلی بدئینت.

مَرکاس 9:43

اگن تئیی دستے ترا دێم په گناها ببارت، آییا بُرّ. چێا که گۆن دوێن دستان دۆزهئے دائِمی آسا کپگئے بدلا، شرتر همِش اِنت که گۆن یکّ دستے، نمیرانێن زِندئے واهند ببئے.

لوکا 17:2

چه اے کسانُکێنان یکّێئے دێم په گناها برگئے بدلا، گهتر همِش اِنت که آییئے گردنا جِنتری تاے ببندنت و دریایا چَگلی بدئینت.

یوهَنّا 6:61

وهدے ایسّایا دیست که مُرید اے هبرئے سرا نُرنڈَگا اَنت، گوَشتی: ”شمارا اے هبرَ تئورێنیت؟

پولُسئے کاگد په رومیان 14:21

شَرتر اِنت که چه گۆشت، شراب یا دگه هر چیزّا پهرێز بکنئے که تئیی براتئے ٹَگل ورگئے سئوَبسازَ بیت.

په تِسالونیکیان پولُسئے ائولی کاگد 5:22

چه هر ڈئولێن بدیا دور ببێت.

آکوب 2:5

او دُردانگان! گۆش دارێت. هُدایا اے دنیائے نێزگارێن مردم گچێن نکرتگ‌اَنت که باوَرا هستۆمند ببنت و هما بادشاهیا میراس ببرنت که هُدایا په وتی دۆست دارۆکان لبز و کئول کرتگ؟