مَتّا 16:14 - هُدائے پاکێن کتاب، بلۆچی زبانا

¹⁴ آیان پَسّئو دات: ”لهتێنَ گوَشیت پاکشۆدۆکێن یَهیا ائے، لهتێنَ گوَشیت اِلیاس نبی ائے، دگه لهتێنَ گوَشیت اِرِمیا نبی ائے یا چه آ دگه نبیان یکّے.“

مَتّا 16:14 Кръстосани препратки

مَتّا 14:2

آییا گۆن وتی هِزمتکاران گوَشت: ”اے هما پاکشۆدۆکێن یَهیا اِنت که چه مُردگان زندگ بوتگ، پمێشکا چُشێن اَجکّایی و مۆجزهانَ کنت.“

مَتّا 16:15

گڑا چه آیان جُستی کرت: ”شما وت منی بارئوا چے گوَشێت، من کئے آن؟“

مَتّا 17:10

مریدان جُست کرت: ”شَریَتئے زانۆگر چێا گوَشنت که چه مَسیهئے آیگا پێسر، باید اِنت اِلیاس نبی بیئیت؟“

مَتّا 3:1

آ رۆچان، پاکشۆدۆکێن یَهیا آتک و یَهودیَهئے گیابانا جاری پِرّێنت:

مَرکاس 6:15

لهتێنا گوَشت: ”اِلیاس نبی اِنت که پدا آتکگ،“ آ دگرانَ گوَشت: ”اے، گوَستگێن پئیگمبرانی ڈئولا یکّ پئیگمبرے.“

مَرکاس 8:28

آیان پَسّئو دات: ”لهتێنَ گوَشیت تئو پاکشۆدۆکێن یَهیا ائے، لهتێنَ گوَشیت تئو اِلیاس نبی ائے. دگه لهتێنَ گوَشیت چه آ دگه نبیان یکّے ائے.“

لوکا 9:8

دگه لهتێن گوَشگا اَت که ”اِلیاس نبی زاهر بوتگ،“ و دگه لهتێن چُش هم گوَشگا اَت که ”چه پێشی زمانگئے پئیگمبران یکّے که پدا زندگ بوتگ.“

یوهَنّا 1:21

آیان جُست کرت: ”تئو اِلیاس ائے؟“ گوَشتی: ”نه.“ گوَشتِش: ”گڑا تئو هما واده داتگێن نبی ائے؟“ گوَشتی: ”نه.“

یوهَنّا 7:12

آییئے بارئوا مردمانی نیاما بازێن گپّے چێرُکایی ترّگا اَت. لهتێن گوَشگا اَت: ”آ شَرّێن مردے.“ دگه لهتێن گوَشگا اَت: ”مردمان گُمراهَ کنت.“

یوهَنّا 9:17

چه هما مردا که پێسرا کۆر اَت پدا جُستِش کرت: ”تئیی جند اے مردمئے بارئوا چے گوَشیت؟ اے تئیی چمّ اَتنت که آییا رُژنا کرتنت.“ گوَشتی: ”نبیے.“