مَتّا 14:6 - هُدائے پاکێن کتاب، بلۆچی زبانا

⁶ هیرودیسئے سالگِره بوت و هیرودیائے جِنکا مهمانانی دێما ناچ و سُهبت گپت. هیرودیس باز وَشدل بوت،

مَتّا 14:6 Кръстосани препратки

پێدایش 40:20

سئیمی رۆچا پِرئونئے سالگره اَت. آییا سجّهێن هِزمتکار داوَتے داتنت. وتی هِزمتکارانی دێما مسترێن آپی و مسترێن نانیئے سَری ”بُرز“ کرتنت.

مَتّا 14:3

چُش اَت که هیرودیسا هیرودیائے سئوَبا که پێسرا آییئے برات پیلیپُسئے جَن اَت، یَهیا گراێنتگ و بَندیجاها بند کرتگ‌اَت.

مَتّا 14:7

سئوگندی وارت و لَبزی کرت که ”هرچے لۆٹئے بلۆٹ، په تئو بَکشگَ بیت.“

مَتّا 22:24

”او استاد! موسّایا گوَشتگ: ’اگن کَسے بے پُشپَدا بمریت، باید اِنت آییئے برات گۆن آییئے جنۆزاما سور بکنت، تان په وتی براتا رَند و راهے بِلّیت.‘

مَرکاس 6:14

ایسّائے اے کارانی هال و هبر هیرودیس بادشاهئے گۆشا رَست، چێا که ایسّائے نام نون پُرتئوار بوتگ‌اَت. لهتێنئے گُمان اَت، اے هما پاکشۆدۆکێن یَهیا اِنت که پدا چه مُردگان زندگ بوتگ، پمێشکا چُشێن اَجِکّایی و مۆجزهانَ کنت.

مَرکاس 6:17

یَهیائے کُشگئے کِسّه چُش اَت که هیرودیسا، یَهیائے گِرگ و بَندی کنگئے هُکم وت داتگ‌اَت، چێا که هیرودیسا گۆن وتی برات، پیلیپُسئے جَنا، که نامی هیرودیا اَت، سور کرتگ‌اَت.

مَرکاس 6:19

پمێشکا، هیرودیایا گۆن یَهیایا باز هَسَدّ و کێنگ هست‌اَت و لۆٹتی آییا بکۆشارێنیت، بله اے کار چه آییئے دَزرسا دور اَت،

مَرکاس 8:15

ایسّایا هُکم کرت و گوَشتنت: ”هُژّار بێت! چه پَریسی و هیرودیس بادشاهئے هُمیرا پهرێز کنێت.“

لوکا 13:31

هما وهدا، لهتێن پَریسی، ایسّائے گوَرا آتک و گوَشتِش: ”نون تئو اے جاگها یله کن و دگه جاهێا برئو، چێا که هیرودیس تئیی کُشگئے رَندا اِنت.“

لوکا 23:11

هیرودیسا هم گۆن وتی سپاهیگان هۆریگا، ایسّا بےاِزّت کرت و کَلاگ گپت. رَندا، ڈئولدارێن کباهے گوَرا دات و پدا پیلاتوسئے کِرّا رئوان کرت.

لوکا 23:7

وهدے سَهیگ بوت ایسّا جَلیلیے، گڑا هیرودیسئے نێمگا راهی دات، چێا که جَلیلئے هاکم، هیرودیس آ وهدا اورشَلیما اَت.

لوکا 3:1

رومئے بادشاه، تیبِریوس کئیسَرئے بادشاهیئے پانزدهمی سال اَت. هما رۆچان، پُنتیوس پیلاتوس، یَهودیَهئے والی اَت. هیرودیس، جَلیلئے هاکم اَت. هیرودیسئے برات پیلیپُس، اِتوریَه و تْراهونیتیسئے هاکم اَت و لیسانیاس، آبیلینیئے هاکم اَت.

لوکا 3:19

بله وهدے یَهیایا، جَلیلئے هاکم هیرودیس په اے هاترا سکّ مئیاریگ کرت که آییا گۆن وتی براتئے جَن هیرودیایا، ناراهێن نزّیکّی هست‌اَت و دگه بازێن رَدێن کاری هم کرتگ‌اَت،

لوکا 8:3

دگه یکّے یوانّا اَت که آییئے لۆگ‌واجه، هوزا، هیرودیس بادشاهئے کلاتئے کلیتدار اَت. یکّے سوسن اَت و دگه باز جنێن اَتنت، که چه وتی زَرّ و مالان، په ایسّا و آییئے مریدان کُمکّ کنگا اَتنت.

کاسِدانی کار 12:1

همے رۆچان، بادشاه هیرودیسا په کِلیسائے آزار رسێنگا، لهتێن مردمئے گِرگ و بند کنگ بُنگێج کرت.

کاسِدانی کار 4:27

په راستی، همے شهرا هیرودیس، پُنتیوس پیلاتوس، آ دگه درکئومێن مردم و بنی اِسراییلئے سجّهێن کئوم و کَبیله همدست بوتنت و تئیی پاکێن هِزمتکار ایسّائے هلاپا پاد آتکنت، هما ایسّا که تئو گۆن رۆگن پِر مُشگا په بادشاهیا گچێن کرتگ‌اَت.